Главная » 2020 » Aprel » 11 » Koronavirus xavfi: Yevropa kuzgacha yopiq qolishi mumkin

---

19:51 Koronavirus xavfi: Yevropa kuzgacha yopiq qolishi mumkin

Fransiya Prezidenti Emmanuel Makron koronavirus pandemiyasi sabab Yevropa davlatlari chegaralarini sentyabrgacha yopiq qoldirishi mumkinligini ma’lum qildi. Bu haqda BFM xabar berdi. Fransuzlar yetakchisi kasaba uyushmalari yetakchilari bilan videoanjuman vaqtida shunday taklifni ma’lum qildi. Makron koronavirus bilan bog‘liq vaziyatning keskinlashuvi sababli Shengen hududiga kiruvchi davlatlar chegaralarini sentyabrgacha yopiq qoldirishi mumkinligini aytgan. Makron epidemiyaning dunyoda qanday rivojlanayotganini aytib, vaziyatni tushuntirgan. Misol tariqasida AQSHni ko‘rsatib, u yerda epidemiya endi o‘z cho‘qqisiga chiqishini aytib o‘tgan. Shuningdek, Osiyo davlatlarida ham koronavirus qaytadan avj olishi mumkinligini ta’kidlab o‘tgan.  Fransiya Prezidenti chegaralarning yopilishi iqtisodiyotni tiklashga ham salbiy ta’sir qilishini ta’kidlagan. Ma’lumot o‘rnida joriy yilning 13 aprel kuni Emmanuel Makron xalqqa murojaat yo‘llashi kutilyapti. Murojaat vaqtida Makron koronavirus pandemiyasiga qarshi qo‘shimcha choralarni ma’lum qiladi. Xususan, Prezident fuqarolarning mamlakat bo‘ylab harakatlanishiga o‘rnatilgan  cheklovni 15 apreldan keyin yana uzaytiradi. So‘nggi ma’lumotlarga ko‘ra, Yevropaning to‘rt yirik davlati – Fransiya, Ispaniya, Germaniya va Italiya dunyoda koronavirus tarqalishi bo‘yicha dastlabki besh davlat qatoridan joy olgan. Birinch o‘rinda esa AQSH boryapti. Fransiya, Ispaniya, Germaniya va Italiyada umumiy hisobda 560 ming odam koronavirus yuqtirib olgan. Ularning 51 mingdan ortig‘i vafot etgan va 169 mingga yaqini kasallikdan forig‘ bo‘lgan. Eslatib o‘tamiz, Yevropa Ittifoqiga a’zo davlatlar rahbarlari joriy yilning 17 mart kuni 30 kun muddatga chegaralarni yopish to‘g‘risida qarorni ma’qullagandi.

1 2 3 4 5 Категория: Har-Hil | Просмотров:603 | Добавил: moderator | Теги: yangilik | Рейтинг: 0.0/0

Всего комментариев: 0