Главная » 2020 » Aprel » 19 » Koronavirus tufayli AQShning qarzlari rekord darajaga yetishi prognoz qilindi

---

23:20 Koronavirus tufayli AQShning qarzlari rekord darajaga yetishi prognoz qilindi

AQShning davlat qarzi va Amerika korporatsiyalarining qarzlari koronavirus tufayli 2020-yilda rekord darajaga yetishi mumkin, deb yozmoqda The Washington Post. Qayd etilishicha, mamlakatda budjet taqchilligi qariyb 4 trillion dollargacha ko‘tariladi. Bunday ko‘rsatkich so‘nggi bor 1945-yilda qayd etilgan. Xususiy sektorda ham shunday vaziyat kuzatilmoqda. So‘nggi yillarda kreditlarga haddan tashqari ishongan ko‘plab yirik korporatsiyalar endi inqiroz davrida qarzlarini ko‘paytirmoqda. Mutaxassislarning fikricha, muayyan bosqichda ushbu kompaniyalar yoki kreditlarni qoplamaslik yoki xodimlar sonini qisqartirishni tanlashiga to‘g‘ri keladi. Shuningdek, qayd etilishicha, AQShda ishsizlik darajasi Buyuk tushkunlik davri (1929—1933-yillar)dan buyon kuzatilmagan darajaga yetdi. Nashr tomonidan so‘roq qilingan iqtisodchilarning fikriga ko‘ra, bunday qarzdorlik darajasi iqtisodiyotda qaytarilmas o‘zgarishlarga olib keladi va bu pandemiya tugaganidan keyin ham salbiy ta’sir ko‘rsatishda davom etadi. Eslatib o‘tamiz, AQShda koronavirus tarqalishi bilan bog‘liq dunyodagi eng murakkab vaziyat yuzaga kelgan. Jons Hopkins universiteti ma’lumotlariga ko‘ra, mamlakatda koronavirusga chalinganlar soni 735 ming kishidan oshgan.

1 2 3 4 5 Категория: Har-Hil | Просмотров:710 | Добавил: moderator | Теги: yangilik | Рейтинг: 0.0/0

Всего комментариев: 0