Главная » 2020 » Mart » 24 » Koronavirus sababli Yunusobodda elektr energiyasi iste’moli bo‘yicha o‘rnatilgan bazaviy me’yorlar bekor qilinadi

---

17:28 Koronavirus sababli Yunusobodda elektr energiyasi iste’moli bo‘yicha o‘rnatilgan bazaviy me’yorlar bekor qilinadi

Toshkent shahar Yunusobod tumanida elektr energiyasi iste’moli bo‘yicha tajriba tariqasida o‘rnatilgan bazaviy me’yorlar koronavirus sababli bekor qilinadi. Bu haqda O‘zbekiston Energetika vazirligi xabar berdi. Ma’lum qilinishicha. Energetika vazirligi tomonidan Adliya vazirligi va Moliya vazirligiga Yunusobod tumani aholisi uchun joriy etilgan elektr energiyasi iste’molining bazaviy me’yorlarini bekor qilish to‘g‘risida so‘rov jo‘natilgan. Qayd etilishicha, bunday qaror koronavirus sababli joriy etilgan karantin bilan bog‘liq. Karantin sababli ko‘plab kishilar vaqtini uyda o‘tkazadi va shunga mos ravishda energiyani ko‘p sarflaydi. O‘rnatilgan bazaviy me’yorlar esa tuman aholisi uchun boshqa tumanlar aholisi bilan teng bo‘lmagan holatni yuzaga keltiradi. Elektr energiyasi iste’moli bo‘yicha bazaviy me’yorlar Yunusobod tumanida tajriba tariqasida 2019-yil 1-yanvardan joriy qilingan. Unga ko‘ra, bitta abonent uchun oylik iste’mol miqdori 300 kilovatt soatni tashkil etadi. Bazaviy me’yordan ortiq iste’mol qilingan energiya hajmi uchun to‘lov hisoblashda 1,2 baravar miqdoridagi oshirilgan koeffitsiyent qo‘llaniladi. Eslatib o‘tamiz, Vazirlar Mahkamasining "Koronavirus infeksiyasi tarqalishiga qarshi qo‘shimcha chora-tadbirlar to‘g‘risida”gi qaroriga muvofiq, 24-martdan O‘zbekistonda koronavirus infeksiyasi tarqalishiga qarshi kuchaytirilgan tartib joriy etildi, dehqon bozorlaridan tashqari barcha bozorlarning faoliyati to‘xtatildi, Umumiy ovqatlanish korxonalari faoliyati ham vaqtincha to‘xtatildi. Bundan tashqari, O‘zbekistonda mahalliy aviaqatnovlar va respublika bo‘ylab poyezdlarda yo‘lovchi tashish to‘xtatildi. Ayni paytda O‘zbekistonda koronavirusga chalinganlar soni 50 nafarni tashkil etmoqda. Sog‘liqni saqlash vazirligining ma’lum qilishicha, O‘zbekistonda koronavirus infeksiyasi bilan kasallanganlarning 30 nafari chet elda bo‘lib qaytgan. 18 nafar fuqaro esa ular bilan yaqin muloqotda bo‘lib, virusni yuqtirib olgan.

1 2 3 4 5 Категория: Har-Hil | Просмотров:574 | Добавил: moderator | Теги: yangilik | Рейтинг: 0.0/0

Всего комментариев: 0