Главная » 2020 » Fevral » 27 » Koronavirus sababli Brent neftining narxi yana pasaydi

---

17:28 Koronavirus sababli Brent neftining narxi yana pasaydi

ICE birjasi ma’lumotlariga ko‘ra, Brent turidagi neftning bir barreli narxi 52,64 dollargacha pasaydi, deb xabar bermoqda "Kommersant”. WTI turidagi neftning narxi esa 48 dollargacha pasaygan. Bu 2019-yil 7-yanvaridan buyon qayd etilgan eng past ko‘rsatkich. Qayd etilishicha, bunga koronavirusning Xitoy tashqarisidagi mamlakatlarga tarqalishi sabab bo‘ldi. Avvalroq Moody’s reyting agentligi virusning 2008—2010-yillardagi moliyaviy inqirozdan ko‘ra jiddiyroq oqibatlarga olib kelishi mumkinligi to‘g‘risida ogohlantirgan. Bloomberg nashriga ko‘ra, neftga talabning bu darajada pasayishi 2008—2009-yillardagi moliyaviy inqiroz davridan beri eng yirigi va 11-sentabr teraktlaridan beri eng kutilmagani bo‘ldi. Ma’lumot uchun, Xitoy dunyodagi eng katta neft import qiladigan davlatlardan biri bo‘lib, mamlakatda kuniga 14 million barrel neft ishlatiladi. Bu Fransiya, Germaniya, Italiya, Ispaniya, Buyuk Britaniya, Yaponiya va Janubiy Koreyaning birgalikda bir kunlik iste’moliga teng.

1 2 3 4 5 Категория: Har-Hil | Просмотров:536 | Добавил: moderator | Теги: yangilik | Рейтинг: 0.0/0

Всего комментариев: 0