Главная » 2020 » Aprel » 28 » Koronavirus: Eng ko‘p bemor Toshkentda aniqlangan, eng ko‘p sog‘aygan — Buxoroda, hozir davolanayotganlar soni bo‘yicha Namangan ikkinchi

---

13:29 Koronavirus: Eng ko‘p bemor Toshkentda aniqlangan, eng ko‘p sog‘aygan — Buxoroda, hozir davolanayotganlar soni bo‘yicha Namangan ikkinchi

O‘zbekistonda 28-aprel soat 12:20 holatiga ko‘ra 1007 kishi koronavirusdan davolanmoqda. Bu haqda Sog‘liqni saqlash vazirligi xabar bermoqda. 28-aprel soat 10:00 ga qadar O‘zbekistonda koronavirusga chalinish bilan bog‘liq 1924 ta holat aniqlangan bo‘lsa, hududlar kesimida eng ko‘p ko‘rsatkich Toshkentda (jami 608 ta holat), Buxoro viloyatida (394 ta holat), Xorazm viloyatida (222 ta holat), Namangan viloyatida (194 ta holat) va Andijon viloyatida (152 ta holat) ro‘yxatga olingan. 28-aprel soat 13:00 holatiga ko‘ra koronavirusdan sog‘ayib ulgurganlar soni bo‘yicha esa Buxoro yetakchilik qilmoqda — u yerda hozirgacha 289 kishi reabilitatsiyaga kuzatilgan. Toshkent 264 ta ko‘rsatkich bilan bu borada ikkinchi bo‘lib turibdi; Xorazm viloyatida 94 kishi sog‘aygan bo‘lsa, Andijon va Namangan viloyatlarida 61 nafardan bemor tuzalgan. Sog‘liqni saqlash vazirligi tomonidan 28-aprel kuni soat 11:26 da e’lon qilingan jadval 13:26 holatiga ko‘ra tahrirlandi Ayni vaqtda Toshkentda koronavirusga chalingan 340 nafar, Namangan viloyatida 130 nafar, Xorazm viloyatida 128 nafar, Buxoro viloyatida 105 nafar, Andijon viloyatida esa 93 nafar bemor davolanmoqda. Qashqadaryo (jami oltita holat qayd etilgan edi) va Navoiyda (jami ikkita holat qayd etilgan edi) bir nafardan bemor davolanmoqda, Jizzaxda esa koronavirusga chalingan bemorlar qolmagani haqida avval xabar berilgan edi. Qayd etish joiz, o‘tgan vaqt davomida Toshkentda to‘rt nafar, Namangan viloyatida uch nafar, Farg‘ona viloyatida esa bir nafar bemor vafot etdi.

1 2 3 4 5 Категория: Har-Hil | Просмотров:537 | Добавил: moderator | Теги: yangilik | Рейтинг: 0.0/0

Всего комментариев: 0