Главная » 2020 » Iyun » 26 » Koreya xalqaro universiteti tomonidan Farg‘ona vodiysida 4 ta yangi bog‘cha quriladi

---

10:12 Koreya xalqaro universiteti tomonidan Farg‘ona vodiysida 4 ta yangi bog‘cha quriladi

Koreya xalqaro universiteti tomonidan Farg‘ona, Andijon va Namangan viloyatlarida to‘rtta yangi maktabgacha ta’lim muassasasi ochiladi. Bu haqda universitetning qabul va tashkiliy ishlar bo‘yicha prorektori Yu Song I ma’lum qildi. Janubiy Koreya uslubida quriladigan ushbu bog‘chalar Farg‘ona shahridagi O‘zbekiston-Koreya xalqaro universiteti o‘qituvchi va talabalari uchun amaliyot va tajriba maskani sifatida xizmat qilishi ko‘zda tutilgan. 2019-yilda tashkil etilgan xalqaro universitetda ta’lim to‘lov-kontrakt asosida o‘zbek, koreys, ingliz tillarida olib boriladi. Tez orada universitet talabalari uchun 3+1 dasturi asosida Janubiy Koreyada o‘qish imkoniyati yaratiladi. Tugayotgan o‘quv yilida 7 ta fakultetda 720 nafar talaba ta’lim olgan bo‘lsa, joriy yildan 11 fakultetga talabalar qabul qilinadi. 2020-yil 10 million dollardan ziyod xorijiy investitsiya jalb qilinib, xalqaro universitet uchun yangi bino qurildi. Eslatib o‘tamiz, Prezident Shavkat Mirziyoyev 5-6 iyun kunlari Farg‘ona viloyatiga qilgan tashrifi chog‘ida ushbu universitetda bo‘lib, universitet rektori Pak Jun Xu va koreyalik o‘qituvchilar bilan suhbatlashgandi.

1 2 3 4 5 Категория: Har-Hil | Просмотров:24 | Добавил: moderator | Теги: yangilik | Рейтинг: 0.0/0

Всего комментариев: 0