Главная » 2023 » Yanvar » 14 » Kiyev yangi raketa hujumlariga uchradi. Ukraina viloyatlarida uylar va infratuzilma obyektlariga zarar yetdi

---

14:56 Kiyev yangi raketa hujumlariga uchradi. Ukraina viloyatlarida uylar va infratuzilma obyektlariga zarar yetdi

Kiyevda 14-yanvar kuni ertalab havo trevogasi e’lon qilindi. Ukraina prezidenti ofisi rahbari o‘rinbosari Kirill Timoshenko poytaxt muhim infratuzilmasi obyektlariga raketa zarbasi berilganini ma’lum qildi. Kiyev meri Vitaliy Klichko so‘zlariga ko‘ra, shaharning Goloseyevskiy tumanida raketa bo‘laklari aholi yashamaydigan hududga kelib tushgan. Kiyev shahar harbiy ma’muriyati bergan dastlabki ma’lumotlarga qaraganda, infratuzilma obyektlariga ham zarar yetgan. Elektr tarmog‘ida kuchlanishlarda uzilishlar haqida xabar berilmoqda. Sal avvalroq Kiyev, Xarkov, Nikolayev va Zaporojye viloyatlarida ham portlashlar haqida xabar berilgandi. Ochakovda va Kiyev viloyatida infratuzilma obyektlarida yong‘inlar yuz bergan; bundan tashqari, Kiyev viloyatida 18 ta xususiy uyga zarar yetgan. Xarkov meri shahar o‘qqa tutilganini tasdiqladi; viloyat ma’muriyati rahbari chiroq o‘chich ehtimoli haqida ogohlantirdi. Cherkasssi viloyati rahbari ma’lum qilishicha, kun mobaynida yangi raketa zarbalari yuz berishi mumkin. Kiyev meri Vitaliy Klichkov a Kiyev shahar harbiy ma’muriyati Telegram-kanallariga ko‘ra, bundan avval shahar 2-yanvarga o‘tar kechasi raketa hujumiga uchragan, o‘shanda havo hujumiga qarshi mudofaa ishga tushgani haqida xabar berilgan, hujum oqibatida ko‘rilgan zararlar haqida ma’lumot berilmagandi. Kiyevda amalga oshirilib, qurbonlarga sabab bo‘lgan yoppasiga raketa hujumi 31-dekabr kuni bo‘lib o‘tgandi. O‘shanda 2 kishi halok bo‘lib, yana 20 kishi, shu jumladan, yaponiyalik jurnalist yaralangandi. Mehmonxona vayron bo‘lib, "Ukraina” konsert saroyi oynalari sinib ketgandi.

1 2 3 4 5 Категория: Har-Hil | Просмотров:198 | Добавил: moderator | Теги: yangilik | Рейтинг: 0.0/0

Всего комментариев: 0