Главная » 2018 » Mart » 1 » Kim iqtisodiy o‘sishda kuchli: Hindiston yoki Xitoy?

---

17:15 Kim iqtisodiy o‘sishda kuchli: Hindiston yoki Xitoy?

O‘tgan yilning so‘nggi choragi bo‘yicha Hindiston iqtisodiyoti jadal rivojlanishda 7,2 foizga ko‘tarilgani holda Xitoyning 6,5 foizlik ko‘rsatgichidan o‘zib ketgan.   Statistikaga ko‘ra, iqtisodiy taraqqiyotning rivojlanishi va aholi turmush darajasining ko‘tarilishi nuqtayi nazaridan Hindiston ancha tezkor ildamlamoqda.   Xususan, 2017 yilning birinchi yarmida mamlakatdagi narh-navo ham jiddiy suratlarda pasayib borganligi qayd etildi.   Bu 2016 yilning noyabrida mamlakat Bosh vaziri Narendra Modi tomonidan amalga oshirilgan valyuta siyosati natijasida muomaladagi ikki turdagi banknotalarning bekor qilingani bilan bog‘liq.   O‘shanda mamlakatdagi ko‘ngina korhona va firmalar faoliyatida keskin pasayish va halokatli bankrotlik holatlari kuzatildi. Ko‘pgina korhonalar mazkur reforma natijasida borbod bo‘lish darajasiga kelib qoldi.   Ammo ko‘p o‘tmasdan ahvol birdaniga o‘nglandi va moliyaviy-iqtisodiyotda hayot qayta jonlandi. Endi mamlakatda ishlab turgan korhonalar faoliyatida to‘xtamasdan o‘sish kuzatila boshlandi.   Xalqaro Valyuta Jamg‘armasi joriy yilgi moliyaviy ko‘rsatgichlar bo‘yicha ham Hindiston Xitoydan kamida 7,4 foizga o‘zib ketishini taxmin qilmoqda.   Buning sabablaridan biri sifatida Hindistondagi 100 milliondan ortiq kichik firmalarning muvafaqqiyatli ishlab turgani keltirilmoqda.   Eslatib o‘tamiz, avvalroq, Narendra Modi Shveysariyaning Davos shahridagi Xalqaro Iqtisodiy Forumda globallashuv jarayonida iqtisodiy ko‘rsatkichlarning ahamiyati haqida ma'ruza qilganini ma'lum qilgan edik.

1 2 3 4 5 Категория: Har-Hil | Просмотров:1404 | Добавил: Admin | Теги: Kim iqtisodiy o‘sishda kuchli: Hind | Рейтинг: 5.0/1

Всего комментариев: 0