Главная » 2018 » May » 20 » Kann kinofestivalida yilning eng yaxshilari aniqlandi

---

17:45 Kann kinofestivalida yilning eng yaxshilari aniqlandi

Kecha, 19 may kuni Fransiyada Kann kinofestivalining 2018 yilgi mavsumi yakunlandi.   Kinofestivalning yakuniy natijalariga ko‘ra, yaponiyalik rejissyor Hirokudzu Koreedaning "Do‘kon o‘g‘rilari” filmi asosiy mukofot – "Oltin palma novdasi”ga loyiq ko‘rildi. Film buvisining nafaqasiga yashovchi ishchi oila haqida bo‘lib, ular qorin to‘ydirish uchun supermarketlardan ovqat o‘g‘irlashga majbur bo‘ladi. Filmda asosan shu kabi jarayonlar aks ettirilgan.   Qozog‘istonlik Samal Yeslyamova rossiyalik rejissyor Sergey Dvorsevning "Ayka” kinokartinasidagi roli uchun eng yaxshi aktrisa mukofotini qo‘lga kiritdi. Ijtimoiy drama Qirg‘izistonlik noqonuniy yosh migrant qiz haqida so‘zlaydi.   Eng yaxshi erkak roli uchun mukofotni italiyalik aktyor Marchello Fonte qo‘lga kiritdi. Matteo Garronening "Dogmen” jinoiy dramasida Fonte giyohvand moddalar savdosi bilan shug‘allanuvchi va kuchuklar sartaroshxonasi egasida ko‘rinish bergan.   Festival gran-prisigaamerikalik rejissyor Spays Lining "BlacKkKlansman”filmi loyiq ko‘rildi. Ushbu kartina irqchilikka qarshi yurish aks etgan jarayonlarni ko‘rsatib bergan.   Ma'lumot o‘rnida, Kann festivali 8-19 may kunlari Fransiyaning Lazur sohillarida bo‘lib o‘tdi.

1 2 3 4 5 Категория: Har-Hil | Просмотров:993 | Добавил: Moderator | Рейтинг: 0.0/0

Всего комментариев: 0