Xushovoz xonanda Kaniza yaqin kunlarda yangi videoklipini omma hukmiga havola etadi. U bugun mazkur klip ustida tusvirga tushirish ishlarini boshlab yubordi. "Bu qo‘shig‘imni nomi "Yor-yor” deb ataladi. Uni yaratganimizga adashmasam 3 yil bo‘ldi. Shu kunlarda bir filmda suratga tushdim. Unda bosh qahramonni yaratdim. Filmda aldangan va sevgidan kuygan qizning obrazida namoyon bo‘laman. "Yor-yor” qo‘shig‘im esa aynan mana shu kartinaning voqyealariga, haroratiga mos tushdi va uni shu film uchun saundtrek qilib kuylashga ahd qildik. Ko‘rib turganingizdek, bugun bu saundtrekning trek qismini suratga olyapmiz. Syujet qismini esa albatta filmning eng qiziqarli lavhalari bilan boyitamiz. Bugungi obrazimga keladigan bo‘lsak, uni yaratishda Art by Sofia yaqindan yordam berdilar. Stilistimiz esa Mahfuza. Bugungi obrazimni mana shunday obrazda bo‘lishni lozim topdim. Har bir ayol, qolaversa yigitlarimiz ham qirol va qirolicha bo‘lishga intilishadi. Filmda garchi sevgidan kuygan qizning qahramonini yaratgan bo‘lsam-da qirolichalar obrazi ko‘rinishni lozim topdim. Qo‘shiq mualliflariga to‘xtaladigan bo‘lsam, so‘zi va musiqasi Gavhar Matchanovaga tegishli. Aranjirovkasi ustida Botir Aliyev ishlagan.” – deydi xonanda saytimizga bergan ma'lumotiga qo‘shimcha qilib. Filmning ishchi nomi "Qaytar dunyo” bo‘lib, unda bosh rollarni Saida Rametova, Jumadilla Rametov, Muyassar Berdiqulova, Kaniza, shahlo Temirova va boshqalar ijro etgan. Yoz faslida premyerasi bo‘lib o‘tishi rejalashtirilgan ushbu kartinada Kanizani umuman yangicha obrazda ko‘rishingiz mumkin bo‘ladi. Hozircha klipni suratga olish jarayonidan taqdim etilgan fotosuratlarni tomosha qiling.
|