Главная » 2022 » Yanvar » 4 » Kanada sudi Eron tomonidan urib tushirilgan samolyot yo‘lovchilarning oilalariga 107 mln dollar tovon puli undirish haqida hukm chiqardi

---

23:34 Kanada sudi Eron tomonidan urib tushirilgan samolyot yo‘lovchilarning oilalariga 107 mln dollar tovon puli undirish haqida hukm chiqardi

Kanadaning Ontario provinsiyasi sudi 2020-yilda Tehronda Ukraina xalqaro havo yo‘llari samolyotining urib tushirilishi oqibatida halok bo‘lgan olti nafar kanadalikning oilalariga Erondan 107 million dollar tovon puli undirish haqida hukm chiqardi. CBC telekanali xabariga ko‘ra, qaror 31-dekabr kuni qabul qilinib, 4-yanvar kuni e’lon qilingan. Eslatib o‘tamiz, Ukraina xalqaro aviakompaniyasining Boeing 737 samolyoti 2020-yil 8-yanvarga o‘tar kechasi Tehron aeroportidan havoga ko‘tarilganidan so‘ng halokatga uchragan. Hodisa Eron armiyasi general Qosim Sulaymoniyning o‘ldirilishiga javoban AQShning Iroqdagi bazalariga raketa hujumi uyushtirgan paytda yuz bergan. Samolyot bortida 176 kishi — Eron, Kanada, Buyuk Britaniya, Germaniya, Shvetsiya, Afg‘oniston va Ukraina fuqarolari bo‘lgan. Ularning hech biri tirik qolmagan. Eron darhol aviahalokatga texnik nosozlik sabab bo‘lganini aytgan. Keyinchalik 11-yanvar kuni Eron mamlakat havo mudofaasi samolyotni operatorning xatosi tufayli urib tushirilganini tan olgan va halok bo‘lganlarning oila a’zolariga kompensatsiya to‘lashini ma’lum qilgan. Bir muddatdan so‘ng Eron tashqi ishlar vaziri Muhammad Javod Zarif samolyotni tasodifan urib tushirgan askar qamoqda ekanini aytgan. Eronning sobiq prezidenti Hasan Ruhoniy voqeani kechirib bo‘lmaydigan xato deb atagan va urib tushirilgan samolyot uchun Ukrainadan kechirim so‘ragan.

1 2 3 4 5 Категория: Har-Hil | Просмотров:336 | Добавил: moderator | Теги: yangilik | Рейтинг: 0.0/0

Всего комментариев: 0