Главная » 2020 » Mart » 7 » Kaliforniya sohillaridagi kemada 21 kishidan koronavirus topildi

---

21:42 Kaliforniya sohillaridagi kemada 21 kishidan koronavirus topildi

Kaliforniya sohillarida to‘xtatilgan "Grand Princess” kruiz laynerida 21 kishida koronavirus infeksiyasi aniqlandi. Bu haqda AQSh vitse-prezidenti Mayk Pens ma’lum qildi. Kasallanganlarning 19 nafari ekipaj a’zosi, qolgan ikki nafari yo‘lovchi. Meduza’ning yozishicha, kema bortida jami 3533 kishi bor. AQSh rasmiylari kemani notijoriy portga olib borishni, shundan so‘ng barcha yo‘lovchilarni koronavirus bo‘yicha tekshiruvdan o‘tkazishni va, zarurat tug‘ilsa, ularni karantinga joylashtirishni rejalashtirmoqda. Kema jamoasi a’zolari (54 mamlakatdan kelgan 1111 kishi) tahlil natijalari qanday chiqishidan qat’i nazar karantinga joylashtiriladi. Fevral oyi boshida Osiyodagi Diamond Princess kruiz laynerida koronavirus aniqlangan, shundan so‘ng kema Yaponiyaning Yokogama portiga joylashtirilgan edi. Umumiy hisobda kemada bo‘lgan 3500 kishining 600 dan ortig‘i kasallangan, olti nafari vafot etgan edi. AQShda koronvirus infeksiyasini yuqtirib olganlar soni 300 dan oshgan, jahon bo‘yicha esa 100 mingdan ortiq odam (shuning 80 mingdan ortig‘i Xitoyda) koronavirus bilan kasallangan.

1 2 3 4 5 Категория: Har-Hil | Просмотров:526 | Добавил: moderator | Теги: yangilik | Рейтинг: 0.0/0

Всего комментариев: 0