Kaliforniya AQSHdan chiqib ketmoqchi - 22 Ноября 2016 - www.Nozim-Studio.com

Главная » 2016 » Noyabr » 22 » Kaliforniya AQSHdan chiqib ketmoqchi

21:03 Kaliforniya AQSHdan chiqib ketmoqchi
Kaliforniya shtatida yashovchilar AQSHdan ajralib chiqish uchun ovoz berishiga dastlabki qadam tashlandi. Bu haqda "Vesti.ru” xabar bermoqda. Dushanba, 21 noyabr kuni "Ha, Kaliforniya” harakati tarafdorlari shtatning bosh prokuroriga AQSHdan ajralib chiqish borasidagi petitsiyani taqdim etishdi. Ular hukumatdan taklifni qo‘llab-quvvatlash va shtatga rasmiy nom berishni so‘rashmoqda. Nomlanish Buyuk Britaniyaning Yevropa Kengashidan chiqishini anglatuvchi "Brexit” so‘ziga o‘xshab ketadi, ya'ni "Calexit”. Ariza rasmiylashtirilishi bilan faollar imzo yig‘ishga kirishadilar. Ayni paytda 13 ming nafar ko‘ngilli imzo berishga tayyor turibdi. Tashabbuskor guruh a'zolarining fikricha, omadlari kelsa, 2018 yilga borib mahalliy aholining ovoz berishiga erishish mumkin. "Biz bunga jiddiy e'tibor qaratyapmiz. Bularning barchasi haqiqiy”, deydi "Ha, Kaliforniya” harakati a'zosi bo‘lgan jurnalist Markus Ruis Evans. Ma'lumotlarga ko‘ra, Kaliforniyadagi ayirmachilik harakatlariga prezident saylovi sabab bo‘lgan. Ko‘pchilik kaliforniyaliklar AQSH prezidenti lavozimida Hillari Klintonni ko‘rish istagida edilar, biroq bunday bo‘lib chiqmadi. Ma'lumot o‘rnida, "Ha, Kaliforniya” harakati bir necha davlatlarda Kaliforniya shtatining ramziy elchixonalarini ochish niyatida.
1 2 3 4 5 Категория: Har-Hil \| Просмотров:1251 \| Добавил: Admin \| Теги: Калифорния АҚШдан чиқиб кетмоқчи \| Рейтинг: 0.0/0