Главная » 2020 » Mart » 20 » Kaliforniya aholisiga koronavirus sababli uydan zaruratsiz chiqish taqiqlandi

---

15:39 Kaliforniya aholisiga koronavirus sababli uydan zaruratsiz chiqish taqiqlandi

Kaliforniya shtati gubernatori Gevin Nyusom 20 mart kuni koronavirus tufayli karantin rejimini e’lon qildi va fuqarolarga uydan zaruratsiz chiqishni taqiqladi, deb xabar bermoqda "RIA Novosti”. "Hozirda shunday farmoyish e’lon qilingan shahar va okruglarda 21,3 million nafar kaliforniyaliklar yashaydi. Biznikidek katta shtatlar bir necha qismlardan tashkil topgan, lekin oxir oqibat biz bir butunmiz. Uyda qolish to‘g‘risidagi qarorni butun shtat bo‘ylab e’lon qilish uchun ayni paytda talab etilayotgan umumiylik va o‘zaro bog‘liqlik bor”, — degan gubernator jurnalistlarga chiqishida. Gevin Nyusomning aytishishicha, farmoyish bugun tundayoq kuchga kiradi. U fuqarolar ongli ravishda taklif qilingan cheklovlarga rioya qilishlariga umid bildirgan. Shunga o‘xshash qaror biroz oldinroq shu shtatdagi Los-Anjeles okrugi rasmiylari tomonidan "Uyda xavfsizroq” nomi ostida chiqarilgan. Bunday choralarga dastlab Kaliforniyaning yana bir yirik shahri bo‘lmish San-Fransisko rasmiylari ham murojaat qilgan. "Uyda qoling” rejimida faqat oziq-ovqat, dori-darmon va birinchi navbatda zarur narsalar uchun tashqariga chiqishga ruxsat beriladi. Bundan tashqari, farmonda birinchi navbatdagi zarur narsalar sotilmaydigan barcha savdo markazlari va do‘konlar ishini to‘xtatish, shuningdek bolalar maydonchalaridan foydalanishni taqiqlash ham ko‘zda tutilgan. Shu bilan birga, u supermarketlar, oziq-ovqat do‘konlari va bozorlar, yoqilg‘i quyish shoxobchalari, ijtimoiy xizmatlar, banklar, ommaviy axborot vositalari va jamoat transportlariga ishlashga ruxsat beradi. Gubernatorning ta’kidlashicha. Bunday choralar koronaviris tarqalishi darajasini kamaytirishga yordam beradi. Agar qat’iy choralar ko‘rilmasa, keyingi 8 hafta davomida shtat aholisining 56 foizi, ya’ni qariyb 22 million kishi koronavirusga chalinishi mumkinligini bildirgan. Esaltib o‘tamiz, Kaliforniya AQShda koronavirus qurbonlari soni bo‘yicha uchinchi o‘rinda turibdi. Ushbu shtatda 18 ta o‘lim holati qayd etilgan. Umumiy hisobda qariyb 1000 kishi kasallangan.

1 2 3 4 5 Категория: Har-Hil | Просмотров:553 | Добавил: moderator | Теги: yangilik | Рейтинг: 0.0/0

Всего комментариев: 0