Главная » 2020 » Mart » 28 » Jyulyen Fober: “Real”dan qo‘ng‘iroq bo‘lganda bema’ni narsalarga toqatim yo‘qligini aytgandim

---

21:15 Jyulyen Fober: “Real”dan qo‘ng‘iroq bo‘lganda bema’ni narsalarga toqatim yo‘qligini aytgandim

Fransiyalik yarim himoyachi Jyulyen Fober 2009-yilda ijara asosida "Vest Hem”dan "Real”ga o‘tishi haqidagi xotiralari bilan o‘rtoqlashdi. "Klub avtobusida "Fulhem”ga qarshi o‘ynash uchun "Apton Park” stadioniga ketayotgandik. Menga fransiyalik yigit qo‘ng‘iroq qildi va shunday dedi: "Salom, men "Real”da ishlayman, biz gaplashib olishimiz kerak”. Men unga muhim o‘yinga tayyorlanishim kerakligi va bunday bema’nigarchilikka toqatim yo‘qligini aytdim. Telefonni o‘chirdim, o‘yin o‘tdi, shundan keyin uni yoqdim. 30 ga yaqin matnli va ellikta ovozli xabar kelgandi. O‘shanda bu jiddiy taklif ekanini anglab yetdim va menejerimga qo‘ng‘iroq qildim. Aralash hislarni tuyardim, biroq baxtli edim — axir bu "Real”. O‘shanda bu feyk emasligiga amin bo‘ldim, muzokaralar muvaffaqiyatli o‘tishini so‘rab iltijo qilardim. Kelishuvga erishilgach buyumlarimni olish uchun "Vest Hem” qarorgohiga bordim, ba’zi futbolchilar ustimdan kulardi: "Jyulyen, qayerda ekaningni anglayapsanmi? Jin ursin, bu "Real”. Mark Nobl menga e’tibor qilmay o‘tib ketganini eslayman, undan muammo nimada ekanini so‘radim. Uning javobi: "Jyulyen, sen bilan gaplasha olmayman, sen "Real” futbolchisisan. Mendan yuqorisan”. Shunga o‘xshash juda ko‘p hazil bo‘lgandi”, — deydi Fober. Avvalroq Marca nashri Foberni "Real”ning XXI asrdagi eng omadsiz xaridlaridan tuzilgan ramziy terma jamoaga kiritgandi. 2009-yilning yanvar oyida "Real” Foberni 6 million yevroga sotib olish huquqi bilan ijaraga oladi. Biroq futbolchi madridliklar safida bor-yo‘g‘i ikkita rasmiy o‘yinda ishtirok etgan.

1 2 3 4 5 Категория: Har-Hil | Просмотров:581 | Добавил: moderator | Теги: yangilik | Рейтинг: 0.0/0

Всего комментариев: 0