Главная » 2020 » Mart » 3 » Jismoniy shaxslarning taksichilik qilishiga ruxsat berilishi mumkin

---

12:31 Jismoniy shaxslarning taksichilik qilishiga ruxsat berilishi mumkin

Prezident Shavkat Mirziyoyev "2017—2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini ‘Ilm, ma’rifat va raqamli iqtisodiyotni rivojlantirish yili’da amalga oshirishga oid davlat dasturi to‘g‘risida”gi farmonni imzolagani haqida xabar berilgan edi. Unga ko‘ra jismoniy shaxslarga avtomobil transportida yo‘lovchilarni shaharda, shahar atrofida va shaharlararo yo‘nalishlar bo‘yicha tashish huquqini berish mo‘ljallanmoqda. Hujjat bilan Transport vazirligi Adliya vazirligi bilan birgalikda uch oy muddatda UzTrans yagona interaktiv axborot tizimida tashuvchilar faoliyatini monitoring va nazorat qilishning zamonaviy usullarini qo‘llashni hisobga olgan holda Vazirlar Mahkamasiga: Yuk tashishni amalga oshirishning boshlanishi to‘g‘risida xabardor qilish va yuklarni xalqaro tashishni amalga oshiruvchi transport vositalarini onlayn ro‘yxatdan o‘tkazish tartibini joriy etish orqali avtomobil transportida yuklarni shaharda, shahar atrofida, shaharlararo va xalqaro yo‘nalishlar bo‘yicha tashishni amalga oshirish; Jismoniy shaxslarga avtomobil transportida yo‘lovchilarni shaharda, shahar atrofida va shaharlararo yo‘nalishlar bo‘yicha tashish huquqini berish bo‘yicha takliflarni kiritadi. Eslatib o‘tamiz, Prezidentning ushbu farmoni bilan 1-apreldan boshlab Toshkentdan propiskasiz uy olishga ruxsat beriladi.

1 2 3 4 5 Категория: Har-Hil | Просмотров:579 | Добавил: moderator | Теги: yangilik | Рейтинг: 0.0/0

Всего комментариев: 0