Главная » 2018 » May » 24 » JB va XVJ: O‘zbekiston “buzilgan” iqtisodini butlashi kerak

---

20:42 JB va XVJ: O‘zbekiston “buzilgan” iqtisodini butlashi kerak

O‘zbekiston o‘z valyuta siyosatini liberallashtirganidan so‘ng, o‘n yillar davomida qattiq valyuta va narx siyosati natijasida buzilgan iqtisodiyotini qayta shakllantirishi kerakligini ta'kidladi Jahon banki va Xalqaro valyuta jamg‘armasi rasmiy vakillari "Reuters” bilan muloqotda xabar berdi.   Davlat energiya tashuvchilarga narxlarni ko‘tarish yoki o‘zgarayotgan sharoitlarga moslasha olmaydigan kompaniyalarni yopish kabi og‘riqli choralarni ko‘rishiga to‘g‘ri keladi. Shuningdek, inflyatsiyani jilovlashi va tadbirkorlik muhitini yaxshilashi kerak.   Jahon bankining Yevropa va Markaziy Osiyo bo‘yicha bosh iqtisodchisi Xans Timmer rasmiy Toshkent ish o‘rinlari qisqarishidan tashvishda ekanini ta'kidladi va Hukumatni islohotlar bilan birga harakatlanishga chaqirdi.   XVJ YAqin Sharq va Markaziy Osiyo departamenti direktori o‘rinbosari YUha Kahkonen inflyatsiya bilan kurashda qattiq byudjet va pul-kredit siyosati yuritishning ahamiyatini ham qayd etib o‘tdi.   Markaziy Osiyoning aholi eng ko‘p mamlakatida 2016 yil hokimiyatga Shavkat Mirziyoyev kelgach, uzoq muddatli bozor islohotlari qayta boshlandi.   2017 yilda Sobiq Ittifoq respublikasida ayrim kompaniyalarning horijiy valyutadan yarim narxida foydalana olishlariga chek qo‘yildi.   2017 yilda o‘zbek so‘mini ikki baravarga devalvatsiya qilinishi ko‘plab kompaniyalarning yo‘lini ochdi. Ammo xomashyoni chetdan import qiluvchi ba'zi kompaniyalar kurashmoqda. Masalan, shakar ishlab chiqaruvchilar. Ularning xomashyosi ikki barobar qimmatlashgani holda shakarning narxi uy xo‘jaligida muhimligi bois belgilangan narxda qoldi.   Buning o‘rniga, hukumat qayta ishlangan shakar importini yo‘lga qo‘ydi. Natijada O‘zbekiston ukrain shakarining asosiy xaridoriga aylandi.   "G‘oliblar va mag‘lublar bor. Ayrim sohalar va kompaniyalarning imtiyozlarini tugatish bilan birga iqtisodiy buzilishning oldini olish muhim”, deydi Timmer.   Jahon banki O‘zbekistonda energiya samaradorligi, bog‘dorchilik va tez tibbiy yordam bo‘yicha to‘rtta yangi loyihani moliyalashtirish uchun 940 million dollar ajratdi.   "Biz islohotlar impulsini tushirmaslik uchun O‘zbekistonni kreditlash hajmini oshirdik. Agarda islohotlarning hozirgi sur'ati bardavom bo‘lsa, qoyilmaqom bo‘lardi”, deydi Timmer.   Shu  bilan birga, uning so‘zlariga ko‘ra, Toshkentdagi hukumat islohotlarning mehnat bozoriga ta'siridan havotirda va, katta ehtimol bilan ehtiyotkorona harakat qiladi. Negaki, ishsizlik O‘zbekistonning eng katta muammolaridan biri.   "Inflyatsiyani nazoratga olish kechiktirib bo‘lmaydigan vazifa. Ayni vatda u 20 foizga yaqin va menimcha hukumat uni kamaytiradi. Ammo bu nisbatan qattiq fiskal va pul-kredit siyosati yuritishni talab qiladi”, deydi Kahkonen.   Kahkonenning fikricha, energetika sohasidagi yo‘qotishlarni kamaytirish uchun kerakli choralarni ko‘rish va davlat subsidiyalarini kamaytirish kerak.   Uning so‘zlariga ko‘ra, davlat korxonalarini qayta shakllantirish, milliy iqtisodiyotning raqobatbardoshligini oshirish va to‘g‘ridan-to‘g‘ri investitsiyalarni ko‘paytirish muhim hisoblanadi.   "O‘zbekistonda yuqori darajadagi davlat boshqaruvidagi ko‘plab cheklov va qoidalarga ega davlat ekanini hisobga olsak, qilinadigan ishlar ko‘p. Ammo narx, valbta kurslari va boshqa narsalarning liberallashtirishi yaxshi start bo‘ldi”, deydi Kaxkonen.   Nashr O‘zbekiston Milliy avikompaniyani xususiylashtirishga tayyor ekani, shu bilan birga, oltin va neft konlari ustidan nazoratini saqlab qolishni istashini eslatib o‘tdi.

1 2 3 4 5 Категория: Har-Hil | Просмотров:1320 | Добавил: Moderator | Рейтинг: 0.0/0

Всего комментариев: 0