Главная » 2020 » Mart » 3 » Janubiy Koreyadan olib kelingan o‘zbekistonliklar kuniga 2 mahal tibbiy ko‘rikdan o‘tkazilmoqda

---

13:18 Janubiy Koreyadan olib kelingan o‘zbekistonliklar kuniga 2 mahal tibbiy ko‘rikdan o‘tkazilmoqda

Janubiy Koreyadan charter reys bilan O‘zbekistonga olib kelingan fuqarolar kuniga 2 mahal tibbiy ko‘rikdan o‘tkazilmoqda. Bu haqda O‘zbekiston Sog‘liqni saqlash vazirligi huzuridagi Sanitariya-epidemiologik osoyishtalik agentligi ma’lum qildi. Jahon sog‘liqni saqlash tashkiloti tavsiyasiga ko‘ra, ular 14 kun muddat (kasallikning yashirin davri) davomida tibbiy kuzatuvga olish uchun maxsus tayyorlangan muassasalarga joylashtirildi. Fuqarolar kuniga 2 mahal tibbiy ko‘rikdan o‘tkazilmoqda. Fuqarolar orasida koronavirus infeksiyasi kasalligi alomatlari aniqlanmagan. Ma’lumot uchun, 1-mart kuni Toshkent xalqaro aeroportiga xorijiy davlatlardan 28 ta reys orqali 4 422 nafar, temir yo‘llar orqali 5 ta poyezdda jami 702 nafar shaxs, shuningdek, davlat chegara bojxona postlari orqali 1 816 ta avtotransportlarning egalari va 40 654 nafar yo‘lovchi termometriyadan o‘tkazilgan. Xitoydan 21 nafar Xitoy fuqarosi va 7 nafar O‘zbekiston fuqarosi, shunungdek, Janubiy Koreyadan 7 nafar O‘zbekiston fuqarosi kelgan bo‘lib, ularning boradigan manzillari aniqlanib, salomatlik holati ustidan tibbiy kuzatuv tashkil etilgan. Epidemiologik ko‘rsatmaga asosan, 2-mart kuniga qadar jami 1 478 ta namuna COVID-19 koronavirus infeksiyasiga tekshirildi, ularda mazkur infeksiya aniqlanmagan. Sanitariya-epidemiologik osoyishtalik agentligining koronavirusga qarshi markaziy shtabi shuni ma’lum qiladiki, 2-mart holatiga ko‘ra, O‘zbekistonda koronavirus kasalligi qayd etilmadi. Eslatib o‘tamiz, O‘zbekistonda 1-martdan boshlab Janubiy Koreyada koronavirus avj olishi sababli Seulga bo‘lgan qatnovlarni vaqtincha to‘xtatib turgani haqida xabar berilgandi. Shuningdek, Yaponiya va Italiyada koronavirus avj olishi sababli Uzbekistan Airways aviakompaniyasi 2020-yilning 1-martidan boshlab Tokio va Rimga bo‘lgan yo‘nalishdagi qatnovlarni vaqtincha to‘xtatgani ma’lum qilingandi.

1 2 3 4 5 Категория: Har-Hil | Просмотров:452 | Добавил: moderator | Теги: yangilik | Рейтинг: 0.0/0

Всего комментариев: 0