Главная » 2016 » Avgust » 27 » Itiga prezidentning ismini qo‘ygan nigeriyalik hibsga olindi

---

09:17 Itiga prezidentning ismini qo‘ygan nigeriyalik hibsga olindi

Nigeriyada yashovchi fuqaro itiga mamlakat prezidenti ismini qo‘ygani uchun jamoat tartibini buzganlikda ayblanmoqda, deb yozadi "Lenta.ru”. Ismi aytilmagan Ogun shtatida yashovchi erkak o‘z itiga mamlakat prezidenti Muhammad Buxoriyning ismidan kelib chiqib, Buxoriy deb nom qo‘ydi. Erkak kuchuk nomini uning qorniga yozdirib, u bilan ko‘chada sayrga chiqdi. Tabiiyki, itni mamlakatdagi islom diniga e'tiqod qiluvchi fuqarolar ham ko‘rdi.  Nigeriyaliklar mamlakat prezidentiga bo‘lgan bu qadar hurmatsizlikdan norozi bo‘ldi va uning ustidan politsiyaga arz qildi. Erkak hibsga olindi va biroz muddatdan so‘ng u sud ishiga qadar kafolat evaziga qo‘yib yuborildi. Mahalliy politsiyachilarning so‘zlariga ko‘ra, mamlakatdagi ahvolni hisobga olgan holda it egasining xatti-harakatlarini jamoat tartibini buzish yo‘lidagi provokatsiya deb hisoblash mumkin. Ayni paytda Nigeriya iqtisodiyoti so‘nggi o‘n yillikdagi eng ayanchli davrni boshidan kechirmoqda.

1 2 3 4 5 Категория: Har-Hil | Просмотров:1682 | Добавил: Admin | Теги: Itiga prezidentning ismini qo‘ygan | Рейтинг: 0.0/0

Всего комментариев: 0