Главная » 2020 » May » 7 » Ispaniyada koronavirusdan vafot etayotgan bemorlarning sutkalik ko‘rsatkichi pasaydi

---

22:26 Ispaniyada koronavirusdan vafot etayotgan bemorlarning sutkalik ko‘rsatkichi pasaydi

Ispaniyada koronavirus sababli yuzaga kelayotgan o‘limlarning sutkalik ko‘rsatkichi pasaydi. So‘nggi bir sutkada kasallikdan 213 kishi vafot etgan, bir kun avval esa bu ko‘rsatkich 244 kishini tashkil qilgan. Bu haqda Reuters xabar berdi. O‘lim ko‘rsatkichi bir kun avvalgi ko‘tarilishdan keyin yana pasaya boshladi, bunga qadar uch kun davomida sutkalik o‘lim holatlari soni 200 tadan kamroq bo‘lgan. Mamlakatda kasallanganlar soni bir sutkada 754 kishiga ortgan. Ispaniyada koronavirusga chalinganlar soni 221 447 kishiga yetgan, kasallikdan vafot etganlarning umumiy soni esa 26 ming kishidan oshgan. Kasallikdan tuzalganlarning umumiy soni esa 128 511 nafarga yetgan, so‘nggi bir sutkada 2509 kishi kasallikdan sog‘aygan. Avvalroq Ispaniyada ko‘chada sayr qilish va sport bilan shug‘ullanishga ruxsat berilgan edi. Mamlakat Sog‘liqni saqlash vazirligi 2-maydan boshlab sayr qilish va ochiq havoda sport bilan shug‘ullanish uchun turli yoshdagi guruhlarga muayyan vaqtlarni belgiladi: 14 yoshdan 70 yoshgacha bo‘lgan fuqarolar soat 06:00 dan 10:00 gacha va 20:00 dan 23:00 gacha; 70 dan oshgan shaxslar va alohida yordamga muhtoj fuqarolar 10:00 dan 12:00 gacha va 19:00 dan 20:00 gacha; voyaga yetmaganlar esa soat 12:00 dan 19:00 gacha ko‘chaga chiqishi mumkin. Yoshi kattaroq odamlar yoshlar bilan to‘qnash kelmasligi uchun vaqt shunday alohida ajratib chiqilgan. Ispanlar faqat istisno holatlarda, agar bunga tibbiy sabablar bo‘lsa, belgilangan vaqtga amal qilmasligi mumkin.

1 2 3 4 5 Категория: Har-Hil | Просмотров:490 | Добавил: moderator | Теги: yangilik | Рейтинг: 0.0/0

Всего комментариев: 0