Iroqning Al Falluja shahrida "Islom davlati” guruhi jangarilari 150 nafar ayolni qatl etdi, deya xabar bermoqda "RBK” Iroq inson huquqlari bo‘yicha vazirligi saytiga tayanib. Xabarda aytilishicha, qatlga ularning terrorchilar bilan birga yashashdan bosh tortishi sabab bo‘lgan. O‘ldirilganlar orasida voyaga yetmaganlar va homiladorlar bo‘lgan. Xabarda jangarilar shahardagi yirik masjidni qamoqxonaga aylantirib, u yerda o‘zlarining yuzlab siyosiy raqiblarini saqlayotgani ham ta’kidlanadi. BMT missiyasi ma’lumotlariga ko‘ra, yanvardan dekabr boshigacha bo‘lgan davrda mamlakatda 12 mingga yaqin kishi halok bo‘lib, yana 22 ming nafari jarohatlangan.