Главная » 2020 » Iyun » 22 » Iroq terma jamoasining Jahon Chempionatidagi yagona goli muallifi koronavirusdan vafot etdi

---

12:28 Iroq terma jamoasining Jahon Chempionatidagi yagona goli muallifi koronavirusdan vafot etdi

Iroq futboli afsonasi Ahmad Radi koronavirus tufayli kelib chiqqan nafas olish yo‘llari kasalligi asoratlari bilan vafot etdi. Bu haqda Al Jazeera xabar bermoqda. Manbaga ko‘ra, Radida o‘tgan haftada koronavirus aniqlanib, kasalxonaga yotqizilgan. 18-iyun kuni esa uning ahvoli yaxshilangan va unga kasalxonadan ruxsat berilgan. Biroq, bir necha soatdan keyin Radining ahvoli og‘irlashib, shifoxonaga qaytariladi. 21-iyun kuni ertalab esa sportchi hayotdan ko‘z yumadi. Ta’kidlash joiz, Ahmad Radi Iroq terma jamoasining Jahon Chempionatidagi yagona goli muallifi hisoblanadi. 1986-yilda Meksikada bo‘lib o‘tgan Jahon Chempionatida u Belgiya terma jamoasi darvozasini ishg‘ol etgan. Radi umumiy hisobda Iroq termasi safida 121 ta o‘yin o‘tkazgan va 62 ta gol urgan. U faoliyati davomida "Az-Zavraa”, "Ar-Rashid” va "Al-Vakra” klublarida to‘p surgan. 1988-yilda esa Osiyoda yilning eng yaxshi futbolchisi deb topilgan.

1 2 3 4 5 Категория: Har-Hil | Просмотров:470 | Добавил: moderator | Теги: yangilik | Рейтинг: 0.0/0

Всего комментариев: 0