Главная » 2020 » May » 6 » Internetda Qozog‘istonga yopirilgan quyunning videolari paydo bo‘ldi

---

16:57 Internetda Qozog‘istonga yopirilgan quyunning videolari paydo bo‘ldi

Qozog‘istonning Turkiston viloyatiga yopirilgan quyun Oqqo‘yli qishlog‘ida joylashgan ko‘plab uylarga zarar yetkazdi, deb xabar beradi Tengrinews. Mamlakat IIV Favqulodda vaziyatlar qo‘mitasining ma’lum qilishicha, videoda tasvirlangan holat 2-may kuni Turkiston viloyatidagi Oqqo‘yli qishlog‘ida sodir bo‘lgan. Tezligi soniyasiga 20 metrga qadar yetgan kuchli shamol 17 ta uyning tomini buzib tashlagan. Jabrlanganlar va qurbonlar yo‘q. Videolarning birida shu qishloq fuqarosi quyunning oqibatlari haqida gapirib, buzilgan uylarni tasvirga olgan. Eslatib o‘tamiz, 27—28-aprel kunlari Buxoro viloyatiga kuchli shamol yopirilgan edi. Tabiiy ofat oqibatida bir kishi halok bo‘lgan, 41 kishi jarohatlangan. Kuchli shamoldan so‘ng Buxoro, Navoiy, Sirdaryo va Samarqanddagi salkam 140 ming xonadon gazsiz qoldi, viloyat elektr ta’minotida eng katta talafot ko‘rdi.

1 2 3 4 5 Категория: Har-Hil | Просмотров:641 | Добавил: moderator | Теги: yangilik | Рейтинг: 0.0/0

Всего комментариев: 0