Главная » 2023 » Yanvar » 23 » Ilon Mask boshqaruvga kelganidan so‘ng Twitter xodimlarining 80 foizi ishdan bo‘shatilgan — CNBC

---

20:24 Ilon Mask boshqaruvga kelganidan so‘ng Twitter xodimlarining 80 foizi ishdan bo‘shatilgan — CNBC

Twitter Ilon Mask tomonidan sotib olinganidan so‘ng kompaniya xodimlarining qariyb 80 foizi ishdan bo‘shatilgan yoki o‘z xohishi bilan tark etgan. Bu haqda CNBC xabar berdi. Ma’lumotlarga ko‘ra, hozirda kompaniyaning to‘liq shtatdagi xodimlari soni qariyb 1,3 ming kishini tashkil etmoqda. Kompaniyani tark etgan muhandisning so‘zlariga ko‘ra, ishchilarning bunday yo‘qotilishi va xodimlarning qisqartirilishi xizmat sifatini saqlab qolishni qiyinlashtirishi mumkin. Maskning rahbarligi ostida Twitter ommaviy ishdan bo‘shatish orqali xodimlar sonini qisqartirdi. Ayrim xodimlar esa siyosatdagi katta o‘zgarishlardan keyin ketishga majbur bo‘ldi. 19-yanvar kuni xabar berilishicha, Ilon Mask inkor etayotganiga qaramay, Twitter’da xodimlarni ishdan bo‘shatish jarayoni kuchayib bormoqda. Qayd etilishicha, ikki hafta oldin reklama va monetizatsiyaga mas’ul bo‘lgan o‘nlab xodimlar kompaniyani tark etishga majbur bo‘lgan. Mask Twitter’ning AQSHdagi ko‘plab xalqaro vakolatxonalari va bir qancha bo‘limlarini yopishni rejalashtirmoqda. Bu esa kompaniya xodimlarining 2 000 kishigacha qisqarishiga olib kelishi mumkin, bu so‘nggi 10 yildagi rekord ko‘rsatkichdir. Ilon Mask Twitter’ni sotib olish bo‘yicha kelishuvni 27-oktabr kuni yakunlab, kompaniya uchun 44 milliard dollar to‘lagan. Shundan so‘ng tadbirkor ijtimoiy tarmoq xodimlarining yarmiga yaqinini ishdan bo‘shatdi, qolganlarni esa yuqori intensivlik bilan ishlash kerakligi haqida ogohlantirdi. OAV xabarlariga ko‘ra, ushbu voqealar fonida platforma faoliyatini saqlab qolish uchun muhim bo‘lgan ko‘plab xodimlar Twitter’ni tark etgan.

1 2 3 4 5 Категория: Har-Hil | Просмотров:55 | Добавил: moderator | Теги: yangilik | Рейтинг: 0.0/0

Всего комментариев: 0