Главная » 2016 » Mart » 4 » Ikki yil oldin yo‘qolgan Malayziya samolyoti topildi

---

22:39 Ikki yil oldin yo‘qolgan Malayziya samolyoti topildi

Malayziyaning Boeing 777-200 samolyoti izsiz yo‘qolgan edi. Tayvanlik mahalliy entuziast Malayziyaga tegishli Boeing’ni "Google” xaritalarida topdi. Bu haqda REN TV xabar berdi. Gap ikki yil oldin Kuala-Lumpurdan uchgan va izsiz yo‘qolgan Boeing 777-200 haqida bormoqda. Bu voqyeadan so‘ng o‘nlab davlatlar bir necha oy davomida Hind okeanida qidiruv ishlarini olib borib, hech nima topolmagan edilar. Tayvanlik kishi samolyotni qidirishning boshqa yo‘lini topdi. U sun'iy yo‘ldosh tasvirlarida okean tubini o‘rganib chiqdi. Natijada shakli, hajmi jihatdan yo‘qolgan samolyotga juda o‘xshash ob'yektni topdi. Agar bu tadqiqotga ishonadigan bo‘lsak, samolyot Avstraliya qirg‘oqlaridan uncha uzoq bo‘lmagan okean tubida bo‘lishi mumkin. Avstraliya hukumati bu ma'lumotlarni taqsdiqlamasligi ham mumkin. Eslatib o‘tamiz, Malayziyaning Malaysia Airlines kompaniyasiga tegishli Boeing 777-200 samolyoti 2014 yilning 7 martidan 8 martga o‘tar kechasi MH-370 reysi bilan Kuala-Lumpurdan Pekinga bo‘lgan parvozini amalga oshirishi lozim edi. Biroq parvozdan 2 soat o‘tgach layner bilan aloqa butunlay yo‘qolgan. Uning bortida 227 nafar yo‘lovchi va 12 ta ekipaj a'zosi bor edi. 2014 yilning yanvar oyida Malayziya rasmiylari samolyotni aviahalokatga uchragani va samolyot bortidagilarning nobud bo‘lgani haqida xabar qildi. Biroq shu choqqacha samolyotning yo‘qolishi bilan bog‘liq rasmiy ma'lumot mavjud emas. Boeing 777-200 samolyoti sirli tarzda g‘oyib bo‘lganidan so‘ng, Hind okeanining Reyunon fransuz orolida uning qanot qismi bo‘laklari topilgan. Dekabr oyida Avstraliya xavfsizlik xizmati samolyot u bilan aloqa yo‘qolgan joy –Hind okeani atrofidagi orollarning biriga qo‘ngan bo‘lishi mumkinligi xaqidagi fikrni bildirgandi.

1 2 3 4 5 Категория: Har-Hil | Просмотров:1945 | Добавил: Admin | Теги: Ikki yil oldin yo‘qolgan Malayziya | Рейтинг: 0.0/0

Всего комментариев: 0