Меню сайта
Главная страница Форум сайта Узбекская Музыка Картинка Онлайн PhotoShop Софт для PC Система uCoz Видео Монтаж Кинофильмы Новости Eset Upatde (База) Компьютерный игры Игры и софт для Android Телефон прошивка Все Usb драйвер
Клип премьера
Наш опрос
Bizning Saytga Yana Qanday Loyihalar Kiritish Lozim?
Всего ответов: 182
Статистика


Яндекс.Метрика


Сейчас онлайн: 60
Гостей: 60
Пользователи 0

Muzaffar
ARX
moderator
Azmin55
Mussi777
Qorsaqli88
pakoo77
pakoo88
pakoo99
pakoo
Реклама
Главная » 2020 » Mart » 25 » Ijaraga olingan davlat mulkidan karantin davrida foydalanmagan tadbirkorlar ijara to‘lovidan ozod etiladi
22:48
Ijaraga olingan davlat mulkidan karantin davrida foydalanmagan tadbirkorlar ijara to‘lovidan ozod etiladi

Davlat mulki obyektlarida ijara asosida faoliyat ko‘rsatib kelgan va karantin sababli faoliyatini to‘xtatgan tadbirkorlar ijara to‘lovidan ozod etiladi. Bu haqda Davlat aktivlarini boshqarish agentligi matbuot kotibi Mo‘min Ibodov 25-mart, chorshanba kuni, bo‘lib o‘tgan brifingda ma’lum qildi.

Uning so‘zlariga ko‘ra, 25-martga qadar davlat mulki obyektlaridan ijara shartnomasi asosida umumiy ovqatlanish, o‘quv markazlari, jismoniy tarbiya, sport, turizm va boshqa sohalarda foydalanib kelayotgan, ammo karantin sababli faoliyati vaqtincha to‘xtatilgan tadbirkorlik subyektlariga 24-mart sanasidan boshlab foydalanilmagan davr uchun hech qanday ijara puli hisoblanmaydi.

Shuningdek, pandemiya bilan bog‘liq vaziyatni yumshatish maqsadida shu davrda investitsiya majburiyatlari bajarilishi kechiktirilgani uchun penya hamda jarimalar hisoblanmaydi va majburiyat bajarilmagani uchun shartnomalar bekor qilinmaydi. Inqirozga qarshi kurash Respublika komissiyasi va uning hududiy shtablarining qarorlariga ko‘ra, tadbirkorlar tomonidan investitsiya majburiyatlari bajarilishi muddatlari uzaytirib beriladi.

Bundan tashqari, davlat aktivlarini xususiylashtirish bo‘yicha amalda bo‘lgan shartnomalarga asosan, xarid to‘lovlari o‘z vaqtida bajarilmasa, inqirozga qarshi kurash Respublika komissiyasi va uning hududiy shtablarining qarorlariga ko‘ra, muddat qayta ko‘rib chiqiladi.

Respublika komissiyasining topshirig‘iga ko‘ra, yuzaga kelgan karantin holatida aksiyadorlarga ham qulayliklar yaratib berish maqsadida xo‘jalik jamiyatlarining kuzatuv kengashi majlislari va aksiyadorlarning umumiy yig‘ilishlarini onlayn rejimda, masofadan turib ovoz berish orqali o‘tkazish tizimini 1 oy ichida joriy etish yuzasidan hozirda agentlik tomonidan chora-tadbirlar ishlab chiqilmoqda.

Mazkur imkoniyatlardan foydalanish uchun Davlat aktivlarini boshqarish agentligi va uning hududiy tuzilmalariga murojaat qilish lozim.

Davlat aktivlarini boshqarish agentligining markaziy apparati va hududiy boshqarmalari bilan +99871 2592258, +99871 2592138 raqamlari orqali bog‘lanish mumkin.

Eslatib o‘tamiz, O‘zbekistonda 21-martdan e’tiboran barcha hududlarda faoliyat yuritayotgan mavjud ko‘ngilochar obyektlar, shu jumladan, tungi klublar, diskoteka, spa va massaj salonlari, choyxona, oshxona (uyga eltib berish xizmati bundan mustasno), karaoke, bilyard zallari, chilim (kalyan) markazlari va kompyuter o‘yinlari xizmatini ko‘rsatuvchi tadbirkorlik faoliyati turlari koronavirus kasalligi bilan bog‘liq epidemiologik holat barqarorlashgunga qadar to‘xtatildi. 24-martdan boshlab Toshkent shahri va viloyatidagi barcha buyum bozorlari yopildi.

O‘zbekistonda koronavirus pandemiyasining salbiy oqibatlariga qarshi kurashish uchun Inqirozga qarshi kurash jamg‘armasi tuzildi va unga 10 trillion so‘m ajratilishi belgilandi. Shuningdek, tadbirkorlik subyektlariga kreditlar va soliqlar bo‘yicha bir qator yengilliklar taqdim etiladi.
Категория: Har-Hil | Просмотров: 11 | Добавил: moderator | Теги: yangilik | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Профил
Время:09:19
Добро Пожаловать, Mexmon
Реклама
Поиск
Календарь
«  Mart 2020  »
ПнВтСрЧтПтСбВс
      1
2345678
9101112131415
16171819202122
23242526272829
3031