Главная » 2020 » Iyun » 30 » IIBdan o‘ligi chiqqanlar masalasi Prezident o‘tkazayotgan yig‘ilishda muhokama qilindi

---

20:13 IIBdan o‘ligi chiqqanlar masalasi Prezident o‘tkazayotgan yig‘ilishda muhokama qilindi

O‘zbekiston Respublikasi Prezidenti Shavkat Mirziyoyev bugun, 30 iyun kuni odil sudlovni ta’minlash va korrupsiyaga qarshi kurashish borasidagi vazifalar xususida videoselektor yig‘ilishini o‘tkazmoqda. Davlat rahbari ushbu yig‘ilishda joriy yilning yanvar oyida Qashqadaryo viloyati Chiroqchi tumani IIB, may oyida Andijon shahar IIBdagi tergovlar natijasida ikki kishining vafot etishiga e’tibor qaratib, mas’ullarni qattiq tanqil qildi.  "Biz so‘nggi uch yarim yilda qiynoqlarga yo‘l qo‘ymaslik bo‘yicha jiddiy va ortga qaytmaydigan islohotlarni amalga oshirdik. Lekin, Andijon shahar va Chiroqchi tuman ichki ishlar idoralarida yaqinda sodir bo‘lgan fojiali holatlar tizim rahbarlarini uyg‘otishi, aniq xulosalar qilishga chorlashi kerak. Ushbu fojia oqibatida 2 nafar inson hayotdan erta ko‘z yumdi. Ularning oilalari bu huquq-tartibot idoralari rahbarlaridan emas, davlatdan norozi”, deydi Mirziyoyev. Prezident so‘zida davom etarkan, holat bo‘yicha mas’ul bo‘lgan rahbarlar hamon aybini bo‘yniga olib, chiqish qilmaganini qoraladi:  "Nima uchun tezkor-qidiruv va tergovni nazorat qiluvchi prokurorlar (Xolmaxmatov, Fozilov, Tadjiyev), ichki ishlar rahbarlari (Sobirov, Tasbayev, Satvoldiyev) bunga biz aybdormiz, deb chiqib aytmaydi. O‘sha xodimlarni bilimini oshirmadik, qonun bilan ishlash, odamlar bilan muomala qilishga o‘rgatmadik, deb nima uchun xalqdan kechirim so‘ramaysizlar? Bu kabi noxush holat takrorlanmasligi uchun qaysi tizim yoki hududiy idora rahbari aniq reja yoki dastur ishlab chiqdi? Ming afsus bilan aytish kerak, sizlardagi loqaydlik va bilimsizlik islohotlarimizni obro‘sizlantirmoqda”. Prezident Qashqadaryo va Andijondagi jinoyatlarga aloqador 11 nafar ichki ishlar xodimlari qonun oldida javob berayotgani, 7 nafar rahbar lavozimidan ozod etilgani, yana 16 nafari intizomiy javobgarlikka tortilganini ma’lum qildi.

1 2 3 4 5 Категория: Har-Hil | Просмотров:458 | Добавил: moderator | Теги: yangilik | Рейтинг: 0.0/0

Всего комментариев: 0