Главная » 2018 » Iyun » 13 » Ignatiy Nesterov O‘zbekiston milliy chempionatlaridagi yubiley o‘yinini o‘tkazdi

---

09:08 Ignatiy Nesterov O‘zbekiston milliy chempionatlaridagi yubiley o‘yinini o‘tkazdi

O‘zbekiston milliy terma jamoasi a'zosi, uzoq yillardan buyon barqaror o‘yin namoyish etib, ko‘p sonli muxlislar olqishiga sazovor bo‘lib kelayotgan mahoratli darvozavbon – Ignatiy Nesterov futbol bo‘yicha O‘zbekiston milliy chempionatlari yuqori divizionida yubiley – 400-uchrashuvini o‘tkazdi. Bu haqda O‘zPFL Matbuot xizmati xabar bermoqda.   Pepsi Superligasi 13-tur uchrashuvlari doirasida "Metallurg”ga qarshi kechgan bahs Nesterov uchun yubiley o‘yin sifatida o‘zbek futboli tarixiga kirdi.   17 yoshida debyut o‘yinini o‘tkazgan Ignatiy Nesterov 400lik marrani zabt etgan dastlabki darvozabonga aylandi. U 400 ta o‘yindan 215 tasida o‘z darvozasi daxlsizligini saqlab qolgan. Tajribali darvozabon shu paytga qadar hakamlar tomonidan 12 marta ogohlantirilgan. Shuningdek, bir marta qizil kartochkaga ham "loyiq ko‘rilgan”.   Ignatiy Nesterov hozirga qadar "Samarqand-Dinamo” (2001), "Paxtakor” (2002-2009), "Bunyodkor” (2009– 2013) jamoalari sharafini himoya qilgan.  2014 yildan boshlab esa "Lokomotiv” darvozasini qo‘riqlab kelmoqda.   Pepsi Superliga 15-turi doirasidan o‘rin olgan "Lokomotiv” – AGMK uchrashuvi starti oldidan Ignatiy Nesterovga Professional Futbol Ligasi tomonidan maxsus esdalik sovg‘asi topshirildi.

1 2 3 4 5 Категория: Har-Hil | Просмотров:1075 | Добавил: Moderator | Рейтинг: 0.0/0

Всего комментариев: 0