Главная » 2020 » Iyul » 5 » Hindiston shimolida 20 nafardan ortiq odam yashin urishi oqibatida halok bo‘ldi

---

21:50 Hindiston shimolida 20 nafardan ortiq odam yashin urishi oqibatida halok bo‘ldi

Oxirgi bir sutka ichida kamida 23 nafar odam Hindiston shimolidagi Uttar-Pradesh shtatida yashin urishi oqibatida halok bo‘ldi va 29 kishi turli tan jarohatlari oldi. Bu haqda mahalliy boshqaruv organlari bergan ma’lumotga tayanib NDTV telekanali hamda India Today jurnali xabar qilgan. Telekanal bergan axborotga ko‘ra, 8 kishi Allohobodda, 6 kishi Mirzapur va Bhadoxi shaharlarida, 2 nafar odam Kausambida va bir kishi Jaunpurda vafot etgan. Halok bo‘lganlarning oilalariga kompensatsiya to‘lab berilishi va’da qilinmoqda. Bundan tashqari Mirzapurda 10 nafar odam, Prayagradada 9 kishi, Bhadoxida 6 kishi, Kausambida 4 kishi jiddiy darajada kuygani ma’lum qilingan. 25-iyunda Hindiston hududiga ketma-ket tushgan yashin oqibatida mamlakat sharqi va shimolida jami 107 kishi halok bo‘lgandi. The Times of India nashri bergan ma’lumotga ko‘ra, tabiiy ofat tufayli Bixar shtatining 83 nafar va Uttar-Pradesh shtatining 24 nafar fuqarosi vafot etgan. Odamlarning aksariyati momaqaldiroq boshlangan vaqtda dala maydonidagi ishini davom ettirgan. Hindiston bosh vaziri Narendra Modi o‘zining Twitter’dagi sahifasi orqali halok bo‘lganlarning oilasiga hamdardlik bildirgan. Uning so‘zlariga ko‘ra, shtatlar hukumati halok bo‘lganlarning oilasiga moddiy yordam ko‘rsatadi. 2019-yil iyul oyida Hindistonda yashin urishi oqibatida dastlab 32 kishi, keyinchalik 51 kishi halok bo‘lgani haqida xabarlar berilgan.

1 2 3 4 5 Категория: Har-Hil | Просмотров:504 | Добавил: moderator | Теги: yangilik | Рейтинг: 0.0/0

Всего комментариев: 0