Главная » 2020 » May » 25 » Haydovchilik guvohnomasini yangi namunadagi guvohnomaga almashtirish muddati uzaytirildi

---

23:44 Haydovchilik guvohnomasini yangi namunadagi guvohnomaga almashtirish muddati uzaytirildi

Haydovchilik guvohnomasini yangi namunadagi guvohnomaga almashtirish muddati 2021 yil 31 dekabrgacha uzaytirildi. Bu haqda bugun, 25 may kuni Adliya vazirligi ma’lum qildi. Kiritilgan o‘zgartirishlarga ko‘ra, eski namunadagi milliy haydovchilik guvohnomalarini yangi namunadagi guvohnomaga majburiy almashtirish muddati 2021 yil 31 dekabrgacha uzaytirildi. Bu muddat ilgari 2020 yil 31 dekabr edi. Shuningdek, eski namunadagi milliy haydovchilik guvohnomalari hamda avtomototransport vositasi ro‘yxatdan o‘tkazilganligi to‘g‘risidagi guvohnomalar 2022 yil 1 yanvardan boshlab haqiqiy emas deb hisoblanadi (ilgari 2021 yil 1 yanvar edi). Bundan tashqari, avtomototransport vositasini 12 oy mobaynida boshqarganlikni tasdiqlovchi hujjatlar qatoriga transport vositasi egasining yaqin qarindoshlari uchun avtomototransport vositasi ro‘yxatdan o‘tganligi to‘g‘risidagi guvohnoma va transport vositasi egasining fuqarolik javobgarligini majburiy sug‘urta qilish bo‘yicha sug‘urta polisi ham qo‘shildi.

1 2 3 4 5 Категория: Har-Hil | Просмотров:608 | Добавил: moderator | Теги: yangilik | Рейтинг: 0.0/0

Всего комментариев: 0