Главная » 2017 » Oktyabr » 19 » Har daqiqalik xavfga ega KXDR raketalari qayerga tushishi mumkin

---

10:30 Har daqiqalik xavfga ega KXDR raketalari qayerga tushishi mumkin

"Shimoliy Koreya — yadroviy qurollar butkul taqiqlanishining tarafdori”, deb bayonot berdi KXDRning BMTdagi muxtor vakili o‘rinbosari Kim In Ren. Uning ta'kidlashicha, yadroviy urush har daqiqada boshlanish mumkin...   Diplomatning so‘zlariga ko‘ra, AQSH va Janubiy Koreya o‘z harbiy mashg‘ulotlarini to‘xtatishlari lozim, Pxenyandagi yadroviy qurollar va ballistik raketalar — faqat o‘z-o‘zini himoya qilishga asoslangan yadroviy qurollanish dasturi!   KXDR vakilining so‘zlariga qaraganda, hali hech bir mamlakat Shimoliy Koreya kabi uzoq vaqt davomida AQSHning yadroviy tahdidi ostida yashamagan.   Kim In Renning so‘zlariga ko‘ra, rasmiy Vashington yadroviy quroli bilan tahdid qilib, yadroviy qurolni butkul taqiqlash haqidagi shartnomalarni inkor qilib turar ekan, KXDR ma'muriyati bunday kelishuvlarga aslo qo‘shilmaydi.   "Raketalarimiz AQSHning barcha hududlariga qaratilgan. Agar AQSH bizning muqaddas yerimizga bir qadam bossa, bizning shafqatsiz jazo berishimizdan qutula olmaydi”, deya ta'kidladi Kim In Ren o‘z bayonotida.   AQSH Davlat kotibining o‘rinbosari Jon Sallivan Vashington KXDR bilan diplomatik kelishuvga erishish istagida ekanligi va, shu bilan birga, vaziyatning yomon tus olishiga tayyorligini bildirdi.   Siyosatshunos Andrey Suzdaltsev muammoda biroz mubolag‘aga yo‘l qo‘yilgan, deb taxmin qilmoqda. "O‘ylashimcha, Pxenyan holatni biroz bo‘rttirib yuboryapti. Aqshliklar kutilmagan yadroviy hujum qilishlariga ishonmayman”, deydi siyosatshunos.   Uning so‘zlariga ko‘ra, KXDR Trampning qiziqqonlik bilan va o‘z-o‘zini nazorat qilmay so‘zlayotgan nutqlaridan asabiylashmoqda.   "Shuningdek, AQSH va Janubiy Koreya hamkorligida KXDR sohillariga yaqin joyda an'anaviy keng ko‘lamli o‘quv harbiy mashg‘ulotlar o‘tkazilmoqda. Bu ham, albatta, Shimoliy Koreya hukumatining havotirini keltirib chiqarmoqda”, deydi Andrey Suzdaltsev.   Quyida RIA Novosti axborot agentligi tomonidan taqdim etilgan "KXDR raketalari qayerga tushadi” mavzusidagi infogrammani taqdim etamiz.

1 2 3 4 5 Категория: Har-Hil | Просмотров:1440 | Добавил: Admin | Теги: Har daqiqalik xavfga ega KXDR raket | Рейтинг: 0.0/0

Всего комментариев: 0