Главная » 2018 » Iyun » 10 » Hakamlar xatosi o‘zbekistonlik bokschilarga qimmatga tushdi, ammo...

---

20:51 Hakamlar xatosi o‘zbekistonlik bokschilarga qimmatga tushdi, ammo...

Ostona shahrida boks bo‘yicha Qozog‘iston Prezidenti kubogi uchun nufuzli xalqaro turnir nihoyasiga yetdi.   Bugun, 10 iyun kuni uch nafar o‘zbkekistonlik bokschi finalda ringga chiqishlari haqida xabar qilib o‘tgandik. Bir necha soat oldin turnirdagi barcha final janglari yakuniga yetdi.   -60 kg vazn toifasida O‘zbekiston sharafini himoya qilgan Shunqor Abdurasulov rossiyalik Gabil Mamedovga qarshi jang o‘tkazdi va hakamlarning xato qarori tufayli mag‘lub deb topildi. Ushbu mag‘lubiyat sabab bokschimiz kumush medal bilan kifoyalanishga majbur bo‘ldi.   -64 kg vazn toifasida ringga chiqqan Iqboljon Xoldorovga mezbonlar vakili Bektaulet Ibragimov raqiblik qildi. Afsuski, ushbu jangda ham hamyurtimiz mag‘lubiyat alamini totib ko‘rdi va yakunda kumush medal sohibiga aylandi.   -81 kg vazn toifasida esa Bektemir Meliqo‘ziyev boshqa bir qozog‘istonlik bokschi Bek Nurmagambetovga qarshi ringga chiqib, oltin medalni qo‘lga kiritdi.   Kecha to‘rt nafar o‘zbek bokschilari musobaqaning bronza medaliga sazovor bo‘lgandi. Shu tariqa, O‘zbekiston terma jamoasi turnirda 1 ta oltin, 2 ta kumush va 4 ta bronza medalini qo‘lga kiritdi. Bokschilar ertaga kechki payt Toshkentga qaytib keladi.

1 2 3 4 5 Категория: Har-Hil | Просмотров:1067 | Добавил: Moderator | Рейтинг: 0.0/0

Всего комментариев: 0