Главная » 2020 » Iyun » 19 » Hafta oxirida O‘zbekistonda jazirama kutilyapti

---

19:13 Hafta oxirida O‘zbekistonda jazirama kutilyapti

Bugun, 20 iyun kuni Turkmaniston hududidan kirgan issiq havo natijasida so‘nggi kunlarda kuzatilgan salqinlik asta-sekin chekinadi. Bu haqda Gidrometeorologiya xizmati markazi xabar berdi. Mamlakatning markaziy va sharqiy mintaqalarida havo 33-35 darajagacha isiydi. Bunday harorat bu kun uchun xos bo‘lgan me’yoriy ko‘rsatkichlarga yaqindir. Shimoliy, janubiy va cho‘l zonalarida issiq havo kuchliroq bo‘lib, harorat 38-40 darajaga yetadi, bu esa me’yordan 2-4 darajaga yuqoridir. Haftaning oxiri va keyingi haftaning boshida issiq O‘zbekistonning butun hududini qamrab oladi. Ayniqsa yakshanba va dushanbada issiq bo‘ladi. Termometr ustunchasi shu kunlarda 39-42 darajagacha, janubiy viloyatlarda va Navoiy, Buxoro viloyatlarining cho‘l zonasida 43-44 darajagacha ko‘tariladi. Bu o‘rtacha ko‘p yillik qiymatlardan 5-8 darajaga yuqoridir. Issiq havoning kirishi shamolning tezligi sekundiga 15-20 metrgacha kuchayishi bilan birga kuzatiladi. Ma’lumot uchun, eng issiq iyunlarda Toshkentda oyning oxirgi o‘n kunligi boshida havo harorati 42-43 darajaga yetgan.

1 2 3 4 5 Категория: Har-Hil | Просмотров:613 | Добавил: moderator | Теги: yangilik | Рейтинг: 0.0/0

Всего комментариев: 0