Главная » 2021 » Mart » 29 » Hafta davomida quruq, ammo salqin ob-havo kuzatiladi - «O‘zgidromet»

---

15:37 Hafta davomida quruq, ammo salqin ob-havo kuzatiladi - «O‘zgidromet»

Dam olish kunlari yog‘gan kuchli yomg‘irlar bugun ertalab O‘zbekiston hududidan chekindi. Aksariyat viloyatlarda bugun yog‘ingarchiliksiz ob-havo kuzatildi. Toshkent, Jizzax, Sirdaryo viloyatlari va Farg‘ona vodiysining ayrim joylarida biroz yomg‘ir yog‘ib o‘tdi. «O‘zgidromet» xabariga ko‘ra, keyingi kunlarda respublikaning chekka shimoliy hududlariga Qozog‘iston hududidan biroz nam va nisbatan sovuq havo massalari kira boshlaydi. Toshkent viloyati va Farg‘ona vodiysida 30-31 mart va 1 aprel kunlari ba'zi joylarda nisbatan beqaror ob-havo kutilmoqda, qisqa muddatli yomg‘ir yog‘ishi mumkin. 31 mart kuni Jizzax va Sirdaryo viloyatlarida kuchsiz yomg‘ir yog‘ishi mumkin. Juma kuni kam bulutli va quruq ob-havo butun respublika hududini egallaydi. Mart oyining so‘nggi kunlari va aprel oyining birinchi kunlari havo harorati kechasi 0-5 daraja iliq atrofida bo‘ladi. 30-31 mart va 1 aprel kuni kunduzi havo harorati biroz salqin bo‘lib, 7-10 daraja iliq atrofida bo‘ladi. 2 aprelda iliq havo massalari kirib keladi va kunduzi harorat 14-17 daraja iliqqacha ko‘tariladi. Toshkent va Namangan viloyatlarining 1600 metrdan yuqori bo‘lgan tog‘li hududlarida qor ko‘chishi xavfi bor.

1 2 3 4 5 Категория: Har-Hil | Просмотров:495 | Добавил: moderator | Теги: yangilik | Рейтинг: 0.0/0

Всего комментариев: 0