Главная » 2020 » Aprel » 2 » Habib Nurmagomedov va Toni Fergyuson o‘rtasidagi jang beshinchi marta bekor qilindi

---

10:48 Habib Nurmagomedov va Toni Fergyuson o‘rtasidagi jang beshinchi marta bekor qilindi

Yengil vazn toifasida UFC chempioni Habib Nurmagomedov va Toni Fergyuson o‘rtasidagi jang bekor qilindi. Bu haqda rossiyalik yakkurashchi Instagram sahifasi orqali ma’lum qildi. Nurmagomedov va Fergyuson o‘rtasidagi jang 18-aprel kuni UFC 249 kechasida bo‘lib o‘tishi kerak edi. Avvalroq jang bekor bo‘lishi haqida xabarlar tarqalgan, biroq UFC prezidenti Deyna Uayt jang 18-aprel kuni bo‘lib o‘tishini ma’lum qilgandi. Shu tariqa Toni va Habib o‘rtasidagi jang beshinchi marta bekor qilindi. Bunga qadar mazkur sportchilar o‘rtasidagi qarama-qarshilik to‘rt bor bekor qilingandi. "Karantin vaqtida uyda o‘tirib, odamlarning mening jangim borasidagi reaksiyasini kuzatyapman. Shunday bo‘lyaptiki, butun olam karantinda o‘tirishi kerak, barcha mamlakatlar hukumati va mashhur shaxslar odamlarni qutqarib qolish uchun qoidalarga amal qilish kerakligini aytib turgan vaqtda Habib barcha majburiyatlardan xoli va jang o‘tkazilishi uchun o‘z jonini xatarga qo‘yib dunyo bo‘ylab parvoz qilishi kerakmi? Barchasini tushunaman va jangning bekor bo‘lgani meni sizdan kam xafa qilmadi. Men bularni nazorat qilish qudratiga ega emasman. Jahonning ulkan davlatlari va yirik kompaniyalar bo‘layotgan voqelardan so‘ng karaxt ahvolga tushgan, vaziyat har kuni kutilmaganda o‘zgarmoqda. Biroq Habib baribir jang qilishi kerak — shunday bo‘lyaptimi? O‘zingizni asrang va o‘zingizni mening o‘rnimga qo‘yib ko‘ring”, — deydi Nurmagomedov.

1 2 3 4 5 Категория: Har-Hil | Просмотров:484 | Добавил: moderator | Теги: yangilik | Рейтинг: 0.0/0

Всего комментариев: 0