Главная » 2020 » Aprel » 3 » Habib Nurmagomedov Putinga qo‘ng‘iroq qilmagani va shaxsiy samolyot haqidagi ayblovlarga javob berdi

---

19:05 Habib Nurmagomedov Putinga qo‘ng‘iroq qilmagani va shaxsiy samolyot haqidagi ayblovlarga javob berdi

Toni Fergyusonga qarshi bekor bo‘lgan jangdan so‘ng Habib Nurmagomedovni Vladimir Putindan shaxsiy samolyot so‘rab turmaganlikda ayblashmoqda. Sportchi esa bu ayblovlarga javob qaytardi. "Xususiy samolyot? Unda ayting-chi, Albukerke politsiyasi nima uchun Jon Jons bilan bog‘liq vaziyatda unga boshqacha munosabatda bo‘lmadi? Nima uchun? U barcha davrlarning eng yaxshi jangchilaridan biri. Ular esa nima qildi (Jons ruxsatnomasiz qurol saqlagani va mast holatda mashina boshqargani uchun hibsga olindi — tahririyat)? Siz esa men chempion bo‘lganim uchun, shaxsiy samolyot berishadi deb o‘ylaysizmi? Putin yoki Trampga qo‘ng‘iroq qilamanmi? Odam shunchalik ham ahmoq bo‘ladimi? Minglab odamlar vafot etmoqda. Kimgadir qo‘ng‘iroq qilishga majburmanmi? Deyna Uayt Trampga qo‘ng‘iroq qiladi, men esa Putinga: ‘Iltimos, menga samolyot bering’, keyin yana Trampga qilaman: ‘Iltimos, menga AQSh hududiga kirish uchun ruxsat bering’ ”. Aqlbovar qilmas harakatlar-a!”, — deydi Nurmagomedov. Eslatib o‘tamiz, Habib Nurmagomedov Konor Makgregor ustidan qozongan g‘alabasidan so‘ng Rossiya Federatsiyasi prezidenti Vladimir Putin bilan uchrashgandi. O‘shanda Putin Habibga har qanday vaziyatda qo‘ng‘iroq qilishi mumkinligini aytib telefon raqami bergandi.

1 2 3 4 5 Категория: Har-Hil | Просмотров:572 | Добавил: moderator | Теги: yangilik | Рейтинг: 0.0/0

Всего комментариев: 0