Google kompaniyasi o‘z qidiruv tizimida 2014-yilda eng ko‘p izlangan shaxslar, voqealar va trendlar ro‘yxatini e’lon qildi, deb xabar bermoqda Meduza. Unga ko‘ra, dastlabki beshlikni avgust oyida vafot etgan amerikalik aktyor Robin Uilyams, Braziliyada bo‘lib o‘tgan futbol bo‘yicha jahon chempionati, Ebola epidemiyasi, Hind okeani ustida g‘oyib bo‘lgan Malaysia Airlines samolyoti va Ice Bucket Challenge xayriya kampaniyasi tashkil qildi. Qayd etilishicha, 10-dekabr kuni Rossiyaning "Yandeks” qidiruv tizimi ham 2014-yilning eng ommabop trendlarini e’lon qilgan. Unga ko‘ra, Sochi Olimpiadasi, Ukraina va Qrim voqealari, Ebola, qishki vaqtga o‘tish, "VKontakte” rahbariyati o‘zgarishi, dollar kursi oshishi kabilar tugayotgan yilda eng ko‘p izlangan.