Главная » 2020 » Iyun » 30 » Germaniya kansleri Angela Merkel nega tibbiy niqob taqmasligini tushuntirdi

---

13:26 Germaniya kansleri Angela Merkel nega tibbiy niqob taqmasligini tushuntirdi

Germaniya kansleri Angela Merkel narsa xarid qilish uchun do‘konga borganda niqob taqadi. Lekin ijtimoiy masofani saqlab turganda unga ehtiyoj sezmaydi. Bu haqda u Fransiya prezidenti Emmanuel Makron bilan birgalikda o‘tkazilgan qo‘shma matbuot anjumanida aytib o‘tdi, deb xabar beradi Die Welt. "Agar ijtimoiy masofalanishga amal qilsam, niqob taqishga hojat yo‘q. Ammo do‘konga narsa xarid qilish uchun boradigan bo‘lsam, unda meni niqobda ko‘rishingiz mumkin”, – deydi Merkel. Mart oyining oxirida pnevmoniyaga qarshi vaksina sinovi o‘tkazgan shifokorda koronavirus aniqlangandan so‘ng Merkel o‘zini o‘zi yakkalash rejimiga o‘tgan edi. Shu bilan birga, kansler uydan ishlashni davom ettirdi va hukumat majlislarida videokonferensiyalar orqali qatnashdi. Koronavirus infeksiyasi bo‘yicha bir nechta testlar manfiy natijani ko‘rsatgandan so‘ng kansler ofisga qaytib keldi. Mart oyida Merkel Germaniyaning 70 foiz aholisi koronavirus yuqtirib olishi mumkinligini ma’lum qilgan edi. Jons Hopkins universitetining 30-iyun soat 10:00 holatiga ko‘ra Germaniyada koronavirus bilan bog‘liq 195 042 ta holat aniqlangan. Bemorlarning 177 770 nafari sog‘aygan, 8 976 nafari esa vafot etgan.

1 2 3 4 5 Категория: Har-Hil | Просмотров:407 | Добавил: moderator | Теги: yangilik | Рейтинг: 0.0/0

Всего комментариев: 0