Главная » 2016 » Noyabr » 30 » Gaz balloni portlashi natijasida 3 kishi halok bo‘ldi

---

13:43 Gaz balloni portlashi natijasida 3 kishi halok bo‘ldi

Qozog‘istonning Pavlodar viloyati Sherbakti qishlog‘idagi  ko‘p qavatli uylarning birida gaz ballonining portlab ketishi natijasida 3 kishi vafot etdi. Bu haqda "Nur.kz” xabar berdi. Portlash natijasida uyning devorlari yorilib, oynalarning barchasi sinib ketgan. Falokat oqibatida Seniklar oilasi boshlig‘i 43 yoshli Sergey, o‘g‘ili 10 yoshli Nikita hamda qo‘shni oilaning farzandi 1,5 yoshli Yeva Kurguzkina halok bo‘ldi. Oiladagi katta farzand, tibbiyot kolledjining o‘quvchisi Kseniya falokat vaqtida darsda bo‘lgan. Ayni vaqtda ahvoli juda og‘ir bo‘lgan oila bekasi Lina Senikga qo‘shnisi ishlarini bajarib kelguniga qadar farzandiga qarab turishini iltimos qilib,  1,5 yoshli Yeva Kurguzkinani tashlab ketgan edi. Xonadonda sodir bo‘lgan portlash natijasida qizcha o‘sha zahotiyoq vafot etgan. Ma'lumotlarga ko‘ra, Sergey ham Nikita ham shifoxonada jon bergan. Lina Senik esa ayni vaqtda shifokorlar nazoratida. Biroq tibbiyot xodimlari uning yashab ketishiga umid juda kam ekanini aytmoqda. Sababi Linaning 90 foiz tanasi kuygan. Uni yotgan joyidan qo‘zg‘atishning ham imkoni yo‘q. Gaz ballonining portlashiga nima sabab bo‘lgani ayni vaqtda noma'lum. Fojea yuzasidan surishtiruv ishlari olib borilmoqda.

1 2 3 4 5 Категория: Har-Hil | Просмотров:1628 | Добавил: Admin | Теги: Газ баллони портлаши натижасида 3 к | Рейтинг: 0.0/0

Всего комментариев: 0