Главная » 2023 » Mart » 7 » “Gavana sindromi”: Pentagon sirli kasallikdan himoyalanishni ishlab chiqmoqda

---

22:26 “Gavana sindromi”: Pentagon sirli kasallikdan himoyalanishni ishlab chiqmoqda

AQSH Mudofaa vazirligi mingdan ortiq amerikalik amaldorlarda aniqlangan "Gavana sindromi”ni tekshirish va kasallikdan himoya vositalarini ishlab chiqishda davom etmoqda. Bu haqda Politico xabar berdi. Pentagon kasallikning sabablarini aniqlash va AQSH fuqarolarini undan himoya qilishga qanday harakat qilayotgani haqida ma’lumot berildi. Mudofaa vazirligi Markaziy razvedka boshqarmasi tomonidan e’lon qilingan tekshiruv natijalariga qaramay, "Gavana sindromi” bo‘yicha o‘z tekshiruvini o‘tkazishga qaror qilgan. Pentagon sirli kasallik dushman tomonidan qo‘llangan energiya quroli sababli kelib chiqqani borasida hech qanday dalilga ega emas. Pentagonning tadqiqot bo‘limi, jumladan, armiya va harbiy havo kuchlari laboratoriyalari kasallik simptomlariga nima sabab bo‘lishini aniqlash uchun qurol tizimlarini sinovdan o‘tkazmoqda. "Kongress tomonidan vakolat berilgan Pentagondagi guruh kasallik holatlarini bartaraf etishga e’tibor qaratmoqda. Bunga xastalik sabablarini aniqlash, davolash va oqibatlarini yumshatish kiradi”, — dedi Mudofaa vazirligi rasmiysi, podpolkovnik Devin Robinson. U Pentagon qurol yaratishga emas, balki jabrlanganlarga yordam berishga harakat qilishini aytdi va "Gavana sindromi”ga chalinganlar Merilend shtatidagi Uolter Rid tibbiyot markazida davolanayotganini ma’lum qildi. Pentagon uzoq vaqt davomida lazer va yuqori quvvatli mikroto‘lqinlarni o‘z ichiga olgan yo‘naltirilgan energiyaning harbiy qo‘llanishini o‘rganib chiqmoqda va bugungi kunda ushbu texnologiyani o‘rganish uchun yiliga taxminan 1,5 mlrd dollar sarflaydi. "Gavana sindromi” haqida qisqacha ma’lumot Kasallik birinchi marta 2016-yilda, Kuba poytaxtidagi AQSH elchixonasida ishlagan bir guruh amerikalik diplomatlarda bosh aylanishi, kuchli bosh og‘rig‘i va vaqtincha eshitish qobiliyatini yo‘qotish kuzatilganida ma’lum bo‘lgan. O‘shandan beri AQSH rasmiylari shunga o‘xshash holatlar haqida bir necha bor xabar bergan. Avvaliga ommaviy axborot vositalarida kasallikka noma’lum qurol sabab bo‘lgani haqida mish-mishlar tarqalgan, ammo bu versiyaning dalillari topilmagan.

1 2 3 4 5 Категория: Har-Hil | Просмотров:107 | Добавил: moderator | Теги: yangilik | Рейтинг: 0.0/0

Всего комментариев: 0