Fransuz olimlari COVID-19 kasalligini keltirib chiqaradigan SARS-COV-2 koronavirusiga qarshi preparatni muvaffaqiyatli sinovdan o‘tkazdi. Mutaxassislarning tadqiqotlari "International Journal of Antimicrobial Agents"da nashr etildi.
Ma’lum qilinishicha, tadqiqotda infeksiyani antimalarial dorilar gidroksixloroxin va azitromitsinning kombinatsiyasi bilan davolash usuli sinovdan o‘tkazilgan. Bu moddalarning virusga qarshi samaradorligi to‘g‘risida ko‘plab shifokorlar, xususan, xitoyliklar xabar bergan edi.
Tramp: Xitoy AQSHni koronavirus tarqalishi haqida ogohlantirishi kerak edi
Tramp: Xitoy AQSHni koronavirus tarqalishi haqida ogohlantirishi kerak edi
Yuqumli kasalliklar shifoxonasida o‘tkazilgan tadqiqotda koronavirusi yuqtirganyoki virus alomatlari bo‘lganlar ishtirok etdi. Tadqiqot ishtirokchilarining 16 nafari asosan antibiotiklar qabul qildi. Qolgan 14 kishi gidroksixloroxinni o‘n kun ichdi, bundan tashqari ulardan oltitasi qo‘shimcha ravishda azitromitsinni qabul qildi.
Mazkur davolanish natijasida beshinchi kun gidroksixloroxin va azitromitsin kombinatsiyasini qabul qilgan bemorlar tuzalib ketdi (sinov SARS-COV-2 ni aniqlamadi). Shuningdek, to‘qqizinchi kuni nazorat guruhidagi bemorlardan biri davolandi, ular yettinchi kungacha azitromitsinni qabul qilmagan.
Tadqiqot mualliflari bu dastlabki natijalar ekanini, biroq umid borligini ta’kidlab o‘tgan.
Ma’lumot uchun, hozirgacha dunyoda 343 421 kishi koronavirus yuqtirib olgan, 14 790 kishi vafot etgan.
Eslatib o‘tamiz, O‘zbekistonda koronavirusni yuqtirib olish bilan bog‘liq ilk holat joriy yilning 15 mart kuni qayd etilgan edi. Ayni vaqtda ushbu virusni yuqtirib olganlar 46 nafarga yetdi.