Главная » 2020 » Mart » 23 » Fransiyada izolyatsiyada bo‘lgan erkak o‘z uyining balkonida marafon yugurishni amalga oshirdi

---

21:41 Fransiyada izolyatsiyada bo‘lgan erkak o‘z uyining balkonida marafon yugurishni amalga oshirdi

Fransiyaning Balma shahrida yashovchi fuqaro o‘z uyining yetti metrli balkonida marafon yugurdi, deb xabar beradi Daily Mail. 32 yoshli Elisha Nochomovits o‘z kvartirasining balkoni bo‘ylab 42,2 kilometr yugurdi. U 6 soat 48 daqiqa davomida yugurib, balkonni salkam 6 ming marotaba aylanib chiqqan. Bu orqali u koronavirus infeksiyasi oqibatida izolyatsiyaga tushib qolganda ham sevimli mashg‘uloti bilan shug‘ullanishga hech narsa to‘sqinlik qila olmasligini ko‘rsatib berishga uringan. Havaskor-sportchi yugurgani tasvirlangan videoni ijtimoiy tarmoqlarga joylashtirgan. Nochomovits marafon vaqtida unga suv va M&Ms olib kelib turgan suyuklisiga minnatdorchilik bildirgan. U necha marta aylanish kerakligini unutib yuborgan bo‘lsa-da, shagometr qadamlarni sanashni davom ettiravergan. Sportchining tan olishicha, hadeb burilaverganidan ko‘ngli aynib ketgan.

1 2 3 4 5 Категория: Har-Hil | Просмотров:490 | Добавил: moderator | Теги: yangilik | Рейтинг: 0.0/0

Всего комментариев: 0