Главная » 2020 » Mart » 9 » Fransiya parlamentining to‘rt deputatida koronavirus aniqlandi

---

13:39 Fransiya parlamentining to‘rt deputatida koronavirus aniqlandi

Fransiya Milliy assambleyasining (parlament quyi palatasi) to‘rt nafar deputati va ikki ishchisi yangi turdagi koronavirus bilan kasallangani ma’lum bo‘ldi, deb xabar beradi "RIA Novosti”. Avvalroq Fransiya Milliy assambleyasi a’zosi, Respublikachilar partiyasi deputati Jan-Lyuk Reytser koronavirus bilan kasallangani haqida xabar berilgandi. Shuningdek, "Olg‘a, Respublika!” partiyasi deputati Elizabet Tutyu-Pikar ham koronavirus yuqtirib olgan. "Milliy assambleyaning to‘rt deputati va ikki nafar ishchisining tahlil natijalari ularda yangi turdagi COVID-19 koronavirusi borligini tasdiqladi. Sanitar tekshiruvlar o‘tkazilmoqda, assambleya xizmatlari virusning tarqalishini oldini olish bo‘yicha choralar ko‘rmoqda”, — deyiladi xabarda. Shifokorlarning ta’kidlashicha, kasallikka chalingan deputatlar izolyatsiya qilingan, ular kimlar bilan muloqotda bo‘lgani aniqlanmoqda. Avvalroq Fransiyada koronavirus bilan kasallanganlar soni ikki baravar ko‘paygani haqida xabar berilgan edi. Xitoyda epidemiya boshlaganidan buyon koronavirusga chalinganlarning umumiy soni 80 735 kishiga yetgan. Jami 58,6 ming bemor tuzalgani aytilmoqda. Dunyo bo‘ylab koronavirus infeksiyasi kirib borgan mamlakatlar soni 100 dan oshib ketdi.

1 2 3 4 5 Категория: Har-Hil | Просмотров:558 | Добавил: moderator | Теги: yangilik | Рейтинг: 0.0/0

Всего комментариев: 0