Главная » 2020 » Mart » 23 » Farg‘onalik tadbirkor tomonidan 30 mln so‘mlik oziq-ovqat mahsulotlari, tibbiy niqob va shaxsiy gigiyena vositalari bepul tarqatildi

---

16:25 Farg‘onalik tadbirkor tomonidan 30 mln so‘mlik oziq-ovqat mahsulotlari, tibbiy niqob va shaxsiy gigiyena vositalari bepul tarqatildi

Farg‘onalik tadbirkor aholiga 30 million so‘mlik oziq-ovqat mahsulotlari, tibbiy niqob va shaxsiy gigiyena vositalarini bepul tarqatdi. Ma’lum qilinishicha, mazkur xayrli ish "Ishonch” kredit-savdo markazi, Yoshlar ittifoqi va "Yoshlar – kelajagimiz” jamg‘armasi faollari hamkorligida amalga oshirilgan. Xayriya tadbiri davomida 210 ta ehtiyojmand oilaga ko‘mak berilgan. "O‘zbekistonda koronavirus pandemiyasi sabab karantin e’lon qilingach, hududlarda oziq-ovqat mahsulotlari narxida sun’iy o‘sish kuzatildi. Tibbiyot niqoblari va antiseptik vositalar taqchilligi yuzaga keldi. Shunday kunlarda yurtdoshlarimizga oz bo‘lsa-da ko‘mak berish maqsadida xayriya aksiyasini boshladik. Aksiya davomida vodiyning 21 ta shahar va tumanlarida yashovchi 210 ta ehtiyojmand oilaga oziq-ovqat mahsulotlari: go‘sht, yog‘, un, guruch, shakar hamda tibbiy niqoblar bepul tarqatildi. Aksiyaning ikkinchi bosqichida yana shuncha oilaga oziq-ovqat mahsulotlari va shaxsiy gigiyena vositalarini yetkazib beramiz”, — deydi "Ishonch” kredit-savdo markazi ijrochi direktori Azizbek Hasanboyev. Ta’kidlanishicha, "Ishonch” kredit-savdo markazining Farg‘ona vodiysidagi 14 ta filialida tibbiy niqob, salfetka va antiseptik vositalarni bepul tarqatish davom ettirilmoqda.

1 2 3 4 5 Категория: Har-Hil | Просмотров:564 | Добавил: moderator | Теги: yangilik | Рейтинг: 0.0/0

Всего комментариев: 0