Главная » 2021 » Dekabr » 5 » Farg‘onada fuqaro ov qilish uchun uyidan chiqib ketib, bedarak yo‘qoldi. Qidiruvga 86 kishi jalb qilindi

---

21:18 Farg‘onada fuqaro ov qilish uchun uyidan chiqib ketib, bedarak yo‘qoldi. Qidiruvga 86 kishi jalb qilindi

Farg‘ona viloyati Qo‘shtepa tumanida 28-noyabr kuni uyidan ov qilish uchun chiqib ketgan 36 yoshli fuqaro bedarak yo‘qolgan. Bu haqda Yozyovon tuman hokimligi xabar qildi. Ma’lum qilinishicha, Farg‘ona viloyati IIB navbatchilik qismiga 1-dekabr kuni tumanning "Yangiariq” mahallasi Bahor ko‘chasida yashovchi M.M. (1985-yilda tug‘ilgan) 28-noyabr kuni soat 06:30 atrofida Yozyovon tumani "Yangiobod” mahallasidagi suv omboriga ov qilish uchun ov quroli va o‘ziga tegishli Damas mashinasi bilan ketib, qaytib kelmagani haqida xabar kelib tushgan. Qayd etilishicha, fuqaro ov quroli va Damas’da chiqib ketib, qaytmagani sabab oila a‘zolari va qarindoshlari uni qidirib, suv ombori hududidan Damas mashinasini qulflangan holda, sumkasini esa suv ichidan topgan. Ta’kidlanishicha, hozirda bedarak ketgan M.M.ni topish maqsadida tuman IIBning 45 nafar, Milliy gvardiyaning 21 nafar, FVV qutqaruv guruhining 8 nafar, hokimiyatning 4 nafar, jamoatchilikning 8 nafar, jami 86 nafar kishi qidiruv ishlari olib bormoqda. Shuningdek, sakkizta qayiq, dron apparati jalb qilingan.

1 2 3 4 5 Категория: Har-Hil | Просмотров:401 | Добавил: moderator | Теги: yangilik | Рейтинг: 0.0/0

Всего комментариев: 0