Главная » 2020 » Mart » 9 » Eronda koronavirus sababli 70 mingga yaqin mahbus ozodlikka chiqarildi

---

18:13 Eronda koronavirus sababli 70 mingga yaqin mahbus ozodlikka chiqarildi

Eron koronavirus sababli vaqtincha ozodlikka chiqarilgan 70 ming nafar mahbusni qamoqxonaga qaytarish niyatida emas. Bu haqda mamlakat sud hokimiyati rahbari Ibrohim Raisiyning so‘zlariga asoslanib, "RIA Novosti” xabar berdi. "Jamoat xavfsizligiga tahdid paydo bo‘lmagunicha mahbuslarni ozodlikka chiqarish davom etadi”, — deydi Raisiy. Avvalroq Eron sud hokimiyati rasmiy vakili G‘ulomhusayn Ismoiliy qamoqxonalardan 54 mingga yaqin mahbus vaqtincha ozod etilganini ma’lum qilgandi. Mamlakatda koronavirus qayd etilmagan birorta ham viloyat qolmagan. Eron Sog‘liqni saqlash vazirligi 19-fevral kuni mamlakatda koronavirus bilan kasallangan birinchi holat qayd etilganini ma’lum qilgandi. So‘nggi ma’lumotlarga ko‘ra, Eronda koronavirus bilan zararlanish bo‘yicha tasdiqlangan holatlar soni 6566 taga yetgan. Avvalroq Eronning xotin-qizlar va oila masalalari bo‘yicha vitse-prezidenti Ma’suma Ebtekar va Eron sog‘liqni saqlash vazirining o‘rinbosari Iraj Xarirchining koronavirus yuqtirib olgani ma’lum bo‘lgan edi. Hozirda ular davolanmoqda. Bundan tashqari, Muvofiqlik kengashining oliy a’zosi Muhammad Mirmuhammadiy va Eronning Vatikandagi sobiq elchisi Xadi Xisravshohiy koronavirusdan vafot etgan.

1 2 3 4 5 Категория: Har-Hil | Просмотров:514 | Добавил: moderator | Теги: yangilik | Рейтинг: 0.0/0

Всего комментариев: 0