Главная » 2020 » Iyul » 4 » Eron yadro obyektidagi yong‘in sabablarini hozircha oshkor etmaslikka qaror qildi

---

18:20 Eron yadro obyektidagi yong‘in sabablarini hozircha oshkor etmaslikka qaror qildi

Eron hukumati yaqin vaqt ichida Natanza viloyatidagi yadro obyektlarining birida sodir bo‘lgan yong‘inning kelib chiqish sabablarini oshkor etmoqchi emas, deb yozmoqda Associated Press. "Xavfsizlik nuqtayi nazaridan hodisa sabablari va tafsiloti hozir emas, kerakli vaqtda oshkor qilinadi”, – degan Eron Milliy xavfsizlik oliy kengashi vakili Keyvan Husraviy. 2020-yil 2-iyul kuni tongda Erondagi yadro obyektida yong‘in sodir bo‘lgan. OAVda yozilishicha, ushbu hodisa yuzasidan mas’uliyatni "Vatan qoplonlari” guruhi zimmasiga olgan. Guruh BBC’ning Fors ko‘rfazi xizmatiga xabar yo‘llab ushbu yong‘in ortida o‘zlari turganligini ma’lum qilgan. Shuningdek, xatda guruhda bir vaqtlar Eron xavfsizlik kuchlari tarkibida xizmat qilgan sobiq harbiylar borligi va ular hozir muxolifat vakiliga aylangani qayd etilgan. O‘z navbatida bu kabi fitnalarni bartaraf qilishga mas’ul bo‘lgan general G‘ulom Rizo Jaloliy ushbu holatning kiberhujum ekani o‘z isbotini topsa, Tehron bunga javob qaytarishini ma’lum qilgan. Associated Press agentligi g‘arb ekspertlari axborotiga tayanib, Natanzadagi uranni boyitish korxonasidagi yong‘in yangi zavod hududida sodir bo‘lganini ma’lum qilgan. Agentlik tarqatgan sun’iy yo‘ldoshdan olingan suratlar ham ushbu ma’lumotni tasdiqlamoqda.

1 2 3 4 5 Категория: Har-Hil | Просмотров:494 | Добавил: moderator | Теги: yangilik | Рейтинг: 0.0/0

Всего комментариев: 0