Bugungi kunda har to‘rtinchi erkak va har yigirmanchi ayol tamaki mahsulotini iste'mol qiladi. "The Lancet” jurnali ana shunday tahlil natijalarini e'lon qildi.
Ayni vaqtda chekishga qarshi kurash olib borilayotgan bo‘lsa-da, bu boradagi ko‘rsatkichlar o‘sishda davom etmoqda. Masalan, bugungi kunda tamaki iste'molini boshlagan kishilar soni chekishni tashlagan kishilar sonidan ortiqni tashkil qiladi. Bu esa tamaki chekishni boshlayotganlar ko‘pchilik ekanini ko‘rsatadi.
Mutaxassislarning hisob-kitoblariga ko‘ra, 2015 yilda dunyo bo‘yicha chekuvchilar soni 933 million kishini tashkil qilgan. Agar chekuvchilar sonining o‘sish ko‘rsatkichlari o‘zgarmagan bo‘lsa, bugungi kunda ularning soni milliarddan ham oshib ketgan bo‘lishi mumkin.
Tamaki iste'mol qiluvchilarning katta qismi Osiyo mamlakatlarida – Xitoy, Hindiston va Indoneziyada yashaydi. Bu davlatlarda qariyb 400 million kishi sigareta chekadi.
Eng ko‘p tamaki iste'mol qiluvchi ayollar esa AQSH, Xitoy, Hindistonda yashaydilar. Bu mamlakatlarda 13-17 million nozik xilqat vakilalari sigareta chekadilar. Bolgariya, Chernogoriya, Xorvatiyaning 25-28 foiz ayollari tamaki iste'mol qilishadi.
Tamaki mahsulotlari qurbonlari soni bo‘yicha tuzilgan reytingning kuchli beshligidan Xitoy, AQSH, Hindiston, Indoneziya va Rossiya joy olgan. Bu mamlakatlarda har yili 200 ming nafardan 800 ming nafargacha kishi tamaki oqibatida hayotdan ko‘z yumadi. Xitoyda esa bu ko‘rsatkich yiliga 1,8 million kishini tashkil etadi.