Главная » 2022 » Dekabr » 26 » Elektron qora bozorda 400 mln Twitter foydalanuvchisining shaxsiy ma’lumotlari sotuvga qo‘yildi

---

20:14 Elektron qora bozorda 400 mln Twitter foydalanuvchisining shaxsiy ma’lumotlari sotuvga qo‘yildi

Noma’lum xaker Twitter’dagi 400 million foydalanuvchi akkauntlariga kirganini da’vo qilib, Ilon Maskka ularni sotib olishni taklif qildi. Bu haqda Security Affairs xabar berdi. Darknetda (elektron qora bozor) Ryushi taxallusidan foydalangan sotuvchi 1 000 ta Twitter akkauntlariga kirishni ochib qo‘ydi, bu potensial xaridorga ma’lumotlar sizib chiqqanini tasdiqlaydi. Tekshiruvda kichik Donald Tramp, kiberxavfsizlik bo‘yicha mutaxassis Brayan Krebs va boshqa mashhur shaxslar akkauntining shaxsiy ma’lumotlarini topish mumkin. Ryushining o‘zi ma’lumotlar bilan birga akkauntlarni Twitter rahbariyatiga, ya’ni Ilon Maskga sotishni taklif qilmoqda. "Twitter yoki Ilon Mask, agar siz yozganimni o‘qiyotgan bo’lsangiz, demak 5,4 million akkauntning sizib chiqishi sababli allaqachon GDPR jarimasi (Yevropa Ittifoqida amaldagi ma’lumotlarni himoya qilish bo‘yicha umumiy reglament) xavfi ostidasiz. Tasavvur qiling-a, sizib chiqqan 400 million akkaunt uchun jarima. Facebook kabi GDPRni buzganlik (533 mln foydalanuvchi ma’lumoti tarqalgan) uchun 276 million dollar jarima to‘lamaslikning eng yaxshi varianti bu ma’lumotlarni eksklyuziv asosda sotib olishdir”, — deydi xaker. Avvalroq TikTok xodimlari noqonuniy tarzda foydalanuvchilar ma’lumotini olgani ma’lum bo‘lgandi.  Kompaniya xodimlari videoplatformaning bir qator foydalanuvchilari, jumladan, Forbes‘ning ikki jurnalistning ma’lumotlarini noqonuniy ravishda qo‘lga kiritgan.

1 2 3 4 5 Категория: Har-Hil | Просмотров:239 | Добавил: moderator | Теги: yangilik | Рейтинг: 0.0/0

Всего комментариев: 0