Главная » 2021 » Noyabr » 9 » Eldor Shomurodov WhoScored talqiniga ko‘ra A Seriyaning 12-tur ramziy terma jamoasiga kiritildi

---

21:20 Eldor Shomurodov WhoScored talqiniga ko‘ra A Seriyaning 12-tur ramziy terma jamoasiga kiritildi

"Roma” hujumchisi Eldor Shomurodov A Seriya 12-turi doirasida "Venetsiya”ga qarshi kechgan uchrashuvda (2:3) maydonga tushib, bittadan gol va golli uzatma muallifiga aylandi. WhoScored portali o‘zbekistonlik futbolchining bu o‘yindagi harakatlarini 8,4 ballga baholagan. Bu uchrashuvdagi eng yaxshi natija. Eldor maydonda 83 daqiqa harakat qildi. Shomurodov uchrashuv davomida 29 marta to‘pga tegindi. Darvoza tomon 2 ta zarba berdi — 1 ta aniq va 1 ta noaniq. Uning 20 uzatmasidan 13 tasi (65%) aniq chiqdi. Eldor maydonda 7 marta yakkakurashga kirishib, ularning ikkitasida muvaffaqiyat qozondi. Havodagi kurashda 3 urinishning bittasida yutib chiqdi. Shu tariqa Eldor Shomurodov A Seriyaning hafta ramziy terma jamoasiga kiritildi: Darvozabon: Serxi Romero ("Venetsiya”); Himoyachilar: Jovanni di Lorenso ("Napoli”), Mattia Kaldara ("Venetsiya”), Mattia Viti ("Empoli”), Ridgesiano Haps ("Venetsiya”); Yarim himoyachilar: Felipe Anderson ("Latsio”), Mattias Svanberg ("Bolonya”), Luis Alberto ("Latsio”), Pedro ("Latsio”); Hujumchilar: Eldor Shomurodov ("Roma”), Duvan Sapata ("Atalanta”). "Venetsiya” darvozasiga urilgan gol Eldor Shomurodov uchun "Roma” safida A Seriyadagi debyut gol bo‘ldi. 2021/22-yilgi mavsumda Shomurodov rimliklarning 16 o‘yinida maydonga tushib, 2 ta gol urdi va beshta golli uzatma amalga oshirdi.

1 2 3 4 5 Категория: Har-Hil | Просмотров:49 | Добавил: moderator | Теги: yangilik | Рейтинг: 0.0/0

Всего комментариев: 0